ضلع هنګو کښې د ترهه ګرو خلاف د پوليس او سکیورټی فورسز مشترکه آپریشن روان دې چرته چې سېکورټي فورسز د ترهه ګرو بريدونه ناکامه کړي او مهمې سيمې ئې خپله ولقه کښې اخستي دي ۔
هنګو: آر پي او کوهاټ عرفان طارق د هنګو دورې په موقع وئيلي دي چې ترهه ګر عناصرو د زرګري، شناوري او نرياب سيمو ته د ننوتو او چيک پوسټونو د محاصرې هڅه کړې وه خو پوليس سي ټي ډي او نورو سکیورټی ادارو سمدستي جوابي کارروائي کړې چې پکښې ترهه ګرو ته ماتې ورکړې شوې او هغوي ته درنه مرګه ژوبلا وړيدلې ده ۔
هغوي وئیلي چې تېرو درې ورځو راهسې روانو انښتو وروستو سکیورټي فورسز مختلفې سيمې سکولونه او مهم ځايونه له ترهه ګرو نه پاک کړي دي او سرچ آپریشن او کلیئرنس آپریشن تر دې دمه روان دې ۔
د ترهه ګرو د ډزو او مارټر بريدونو سره شپږ ځائي کسان شهيدان شوي او ديارلس ژوبل شويدي، د ترهه ګرو ډزو سره دوه پوليس اهلکار هم ژوبل شوي ۔
په دې موقع آر پي او کوهاټ متاثره سیمو دوره هم کړې او په فرنټ لائن موجود پوليس او سي ټي ډي اهلکارو سره ئې ملاقاتونه کړي دي ۔
آر پي او کوهټا په دې موقع وئيلي دي چې پوليس او سکیورټی فورسز جرات او مهارت سره د ترهه ګرو عزائم ناکامه کړي دي، سيمې نه د ترهه ګرو مکمل کاتمې پورې به آپريشن جاري وي ۔
