د پاکستان سُپر ليګ يوولسم ايډيشن ټرافي په دوئم ځل پېښور زلمي په خپل نوم کړې، او حيدر آباد کنګز مېن ته ئې فائنل کښې په پنځه وکټو شکست ورکړيدې ، د حيدر آباد يوسل ديرش رنز هدف پېښور په پنځه وکټو په زيان پورا کړې او د پي ايس ايل نوې چيمپيئن جوړ شويدې ،شاندار آل راؤنډ کارکردګۍ باندې د پېښور زلمي ايران هارډي د ميچ بهترين لوبغاړې ګرځولې شويدې ۔
لاهور کښې لوبيدلې د پي ايس ايل يوولسم ايډيشن فائنل کښې پېښور زلمي ټاس ګټلو نه پس پخپله د فيلډنګ فيصله کړې وه ۔
د حيدر آباد کنګز مېن ټول ټيم اتلس اوورز کښې يوسل، نهه ويشت رنز جوړ کړي وو ، چې پکښې ټولو نه زيات صائم ايوب څلور پنځوس، کپتان لبوشين شل، حسان خان دولس، معاذ صداقت يوولس، حُنېن شاه نهه رنز جوړ کړي وو ۔
پېښور زلمي طرف نه ايرون هارډي شاندار بولنګ کړې او څلور وکټې ئې اخستي دي، ناهيد رانا دوه، محمد باسط او سفيان مقيم يو، يو وکټ په خپل نوم کړې ده ۔
پېښور زلمي مقرره هدف شپاړسم اوور کښې پنځه وکټو په زيان پورا کړې او د پي ايس ايل نوې چيمپيئن جوړ شويدې ۔
پېښور طرف نه ايرون هارډي شاندار بېټنګ کړې او په شپږپنځوس رنز ناټ آؤټ پاتې شويدې ، عبدالصمد اتۀ څلويښت،کوسال مينډس نهه، محمد حارث شپږ، مائيکل بريس ويل څلور رنز جوړ کړي، او کپتان بابراعظم په صفر آؤټ شوې وو ۔
حيدر آباد طرف نه محمد عملي درې، عاکف جاويد او حُنېن شاه يو، يو وکټ په خپل نوم کړې وه ،شاندار څلور وکټې اخستو او شاندار بېټنګ کوول باندې د پېښور زلمي ايرون هارډي د فائنل ميچ بهترين لوبغاړې ګرځولې شويدې ۔
د پي ايس ايل فائنل نه وړاندې قذافي سټيډيم کښې شانداره اختتامي دستوره هم شوې چې پکښې د ملک نامتو سندرغاړو سندرې وئيلي،او ګراؤنډ کښې موجود خلق ئې په ډانس مجبوره کړېدي ۔
په دې موقع شانداره آتش بازي هم شوې ده ،بلخوا فائنل ميچ لپاره ټول ټکټونه خرچ شوي وو، او قذافي سټيډيم تماشايانو نه پورا ډک يعنې هاؤس فُل وو ۔
