داخله وزير محسن نقوي او امريکني سفيرې نيټلي بيکر ترمينځ مهم ملاقات شوې ،چې پکښې د سيمي صورتحال، امريکې او ايران ترمينځ د مذاکراتو په دوئم راونډ او د شريکې دلچسپۍ په معاملو خبرې شويدي، محسن نقوي ايران سره جنګ بندۍ کښې توسيع لپاره د صدر ټرمپ د اقداماتو ستائنه کړې او امن لپاره ئې دا مهم پرمختګ بللې دې،نيټلي بيکر د مشرق وسطی امن لپاره د پاکستان د کوششونو ستائلي دي ۔
اسلام آباد: داخله وزير محسن نقوي او امريکي سفيري ترمينځ ملاقات کښي د امريکې او ايران دوئم راونډ مذاکراتو د انعقاد په سفارتي هلوځلو خبرې شوي دي ۔
داخله وزير جنګ بندۍ توسيع لپاره د صدر ټرمپ د ګامونو ستائنه کړي او دا ئې منطقه کښې تاؤ تريخوالي کمولو په اړه مهم ګام ګرځولې دې ۔
محسن نقوي زياته کړي چې د شخړې حل لپاره سفارتي چينلز کوششونه لازمي دي ، هغۀ طمع څرګند کړې چې د ايران لخوا به هم مثبت پرمختګ مخې ته راشي ۔
محسن نقوي مخکښې وئيلي چې وزير اعظم شهباز شريف او فيلډ مارشل عاصم منير د مسئلي هواري لپاره هر ممکن کوشش کوي ، طمع لرو چې فريقين سفارتي او پر امنه حل ته موقع ورکړي ۔
