د خېبرپښتونخوا اسمبلۍ اجلاس د پيښورد لوبو په ګراونډ کښې شوې، چې پکښې قراردادونه پاس شويدي، اپوزيشن جماعتونو د غونډي بائيکاټ کړي، او دې خلاف ئې عدالت ته تلو اعلان هم کړېدې، بلخوا سټيډيم کښې شوې اجلاس کتو لپاره راغلې کارکنانو او ګڼ شمير کښې موجود نورو کسانو په صوبائي حکومت سختې نيوکې کړې او احتجاج ئې هم کړېدې ۔
پيښور: عمران خان کرکټ سټيډيم کښې د خيبر پښتونخوا اسمبلۍ غونډه شوې چې پکښې افغانستان سره مذاکرات کولو لپاره وړاندې قرارداد منظور شويدې ۔
افغانستان سره د مذاکراتو کولو په حواله قرارداد کښې وئيلي شوي چې مذاکرات سره دې د افغانستان غلط فهمي لرې کړې شي ۔
اجلاس کښې امريکې اواسرائيلي حملو خلاف ، د ګرانۍ پر زد، ججانو تبادلو خلاف، باني پي ټي آئي او بشریٰ بي بي رهائۍ او هغوي سره د ملاقات اجازت په حواله هم قراردادنونه منظور شويدي ۔
بلخوا پېښور کرکټ سټيديم کښې د خېبرپښتونخوا اسمبلۍ اجلاس کتو لپاره راغلي خلقو احتجاج کړې او په صوبائي حکومت ئې سخت ټکونه هم کړېدي ۔
مظاهرچيانو وئيلي چې اجلاس لپاره راغلې اولس لپاره د سټيډيم دروازې ولې بندې ساتلي شوي،مظاهرينو مطالبه وه چې مونږ خپل مسائل وړاندې کول غوښتل،ولې زمونږ لپاره ګيټونه بند کړې شويدي ۔
د خېبر پښتونخوا د اطلاعاتوخصوصي مرستيال شفیع جان وئیلې دي چې په عمران خان کرکټ سټیډیم کښې د صوبائي اسمبلی اجلاس کولو بنیادی مقصد اولس نیغ په نیغه د خپلو منتخب نماینده ګانو د کارکردګي نه خبرول او آګاهي حاصلول دي ۔
خېبرپښتونخوا اسمبلۍ کښې اپوزيشن ليډر ډاکټر عبادالله وئيلي دي چې د اسمبلۍ ودانۍ موجود ده، نو بيا په سټېډيم کښې غونډه کول هيڅ جواز نۀ لري ۔
ډاکټر عباد الله خان اووئيل چې دا د عوامي وسائلو ښکاره ضياع ده، دا صرف يو سياسي شو او نمائشي سرګرمي ده، چې د اولس مسئلو سره هيڅ تعلق نۀ لري ۔
اپوزيشن ليډر وينا وه چې اپوزيشن ډلو سټيډيم کښې د اسمبلۍ اجلاس نه د بائيکاټ اعلان کړې او اجلاس خلاف ئې عدالت ته تلو فيصله هم کړيده ۔
