پهلګام پيښه د بهارت فالس فليګ آپريشن وؤ، د خپلو ناکامو لپاره پاکستان ذمه وار ګرځول د بهارت زوړ عادت دې، يو کال تيريدو باوجود هم د پهلګام واقعې شواهد مخې ته راغلي نۀ دي ، وائي چې بهارتي اقداماتو سره د خطې امن او خوشحالي خطرې سره مخ شويده، پاکستان ته دا حق ترلاسه دې چې د سندھ طاس معاهدې خلاف ورزې جواب ورکړي ۔
اسلام آباد: دا څرګندونې د اطلاعاتو او نشرياتو وفاقي وزير عطا الله تارړ سرښار کښې يوې خبري غونډې ته خپله وينا کښې کړي دي ۔
د هغۀ وينا وه چې وزيراعظم شهبازشريف د پهلګام واقعې تحقيقاتو کښې د مرستو پيشکش کړې وؤ، سيکيورټي موجودګې کښې پهلګام پيښه کيدل د شرم خبره ده ۔
وزيراطلاعات مخکښې اوئيل چې بهارت فالس فليګ آپريشن د سياسي مفاداتو لپاره کړې وؤ، نړې اوس هم د بهارت نه سوال کوي چې د پهلګام پيښې تحقيقات څۀ اوشو ۔
هغۀ زياته کړه چې کشمير بين الاقوامي تسليم شده مسئله ده، بهارت خپلې اندروني ستونزې د بيروني ستونزو په توګه پيش کوي ۔
