د پاکستان سفارتي کاميابو سلسله جاري ده، د وزيراعظم شهبازشريف او فيلډ مارشل سيد عاصم منير په خواست امريکائي صدر ډونلډ ټرمپ ايران سره جنګ بندۍ کښې نوره توسيع کړې، او وئيلي دي چې دا ډزبندي به ايران سره د مذاکراتو حتمي نتيجې پورې جاري وي، امريکائي صدر دا هم وئيلي چې فې الحال به امريکائي فوج ايران باندې حملې نۀ کوي ۔
واشنګټن: سوشل ميډيا باندې خپل بيان کښې امريکائي صدر ډونلډ ټرمپ وئيلي دي چې د پاکستان وزيراعظم شهبازشريف او فيلډ مارشل سيد عاصم منير خواست کړې وو چې ايران سره جنګ بندۍ کښې دې توسيع اوکړې شي ۔
صدر ټرمپ اووئيل چې د پاکستان وزيراعظم او فيلډ مارشل راته وئيلي چې ډز بندۍ کښې توسيع دې د مذاکراتو حتمي نتيجې پورې اوکړې شي ۔
امريکائي صدر ترمخه د پاکستان قيادت راته دا هم وئيلي چې په ايران دې حملې تر هغې اودرولې شي چې تر څو د دواړو فريق نمائندګان مشترکه لوظنامې باندې متفق شوي نۀ وي ۔
ډونلډ ټرمپ مخکښې وئيلي چې امريکائي فوج ته مې هدايات جاري کړي چې په ايران دې فې الحال حملې نۀ کوي، ولې بحري ناکه بندي به جاري ساتلې شي او هر قسمه ممکن صورتحال ته دې هم ځان تيار ساتي ۔
هغه زياته کړې دا وخت د ايران حکومت په اندروني توګه د تقسيم ښکار دې، ولې مونږ به د پاکستان په درخواست فې الحال نورې حملې نۀ کوؤ ۔
