امريکائي صدر ډونلډ ټرمپ وئيلي دي چې ايران سره د جنګ مکمل خاتمې لپاره تعميري خبرې شوي ،دغه خبرو نه پس د ايران د توانائۍ تنصيباتو باندې پنځه ورځو پورې حملې هم بندې کړې شويدي،بلخوا د امريکائي صدر اعلان نه پس عالمي منډۍ کښې د تيلو قيمتونه هم راکم شويدي، د امريکائي خام تيلو قيمت في بيرل اتۀ اتيا اعشاريه څلور ديرش ډالر ته راکم شويدې ۔
واشنګټن: امريکې صدر ډونلډ ټرمپ خپل يو بيان کښې وئيلي چې تيرو دوه ورځو دوران امريکې او ايران ترمينځ نهايت مثبت او نتيجه خيز مذاکرات شويدي، د خبرو اترو مقصد مشرقِ وسطیٰ کښې روان کشيدګۍ مکمل خاتمه ده ۔
هغه اووئيل چې دغه تفصيلي او تعميري مذاکراتو په تناظر کښې مې دفاع محکمې ته هدايت کړې چې د ايران په بجلي ګهرو او توانائۍ تنصيبات باندې دې ټولې فوجي حملي پينځه ورځو پورې مؤخر کړې شي، ولې دې دوران به د مذاکراتو سلسله جاري وي ۔
ډونلډ ټرمپ مخکښې اووئيل چې دغه فيصله د روان خبرو اترو کاميابۍ سره مشروط ده، که چرې مذاکرات مثبت اوشو نو نور پرمختګ متوقع دې ۔
تر دې وړاندې امريکائي صدر ډونلډ ټرمپ ايران ته د آبنائے هرمز خلاصولو لپاره د اته څلويښت ګهنټو مهلت ورکړې وو ، دغه الټي ميټم ختميدو ورستو امريکائي صدر دغه اعلان کړېدې ۔
بلخوا د امريکائي صدر اعلان نه پس عالمي منډۍ کښې د تيلو قيمتونه هم راکم شويدي، د امريکائي خام تيلو قيمت في بيرل اتۀ اتيا اعشاريه څلور ديرش ډالر ته راکم شويدې ۔
