اسلام آباد هائيکورټ د باني پي ټي آئي نجي هسپتال ته منتقلۍ درخواست مستردکړې،او د ميډيکل بورډ جوړولو حکم ئې هم کړيدې ، عدالتي حکم مطابق ميډيکل بورډ کښې به ډاکټر عارف او ډاکټر نديم قريشي هم شامل وي ،عدالت واضحه کړې چې ميډيکل بورډ به د دې خبرې فيصله کوي چې آيا باني هسپتال ته منتقل کړې شي يا نۀ؟
اسلام آباد هائيکورټ کښې د باني پي ټي آئي نجي هسپتال ته منتقلۍ په درخواست سماعت شوي، سماعت دوران جسټس ارباب طاهر درخواست ګزار وکيل ته وئيلي چې مونږ په ګوګل هم چيک کړې وو چې ډاکټرنديم قريشي بهترين ريټينا سپيشلسټ دي، تاسو هغه شفاانټرنيشنل هسپتال ته منتقل کولو سره ټيسټ کړے،مونږ دا نه وايو چي باني دې څومره وخت هسپتال کښي اوساتلي شي،دا يوه تسليم شوې ايشو ده او علاج ئې جاري دي ۔
عدالت د باني پي ټي آئي جيل نه نجي هسپتال ته منتقلۍ په درخواست اول فيصله محفوظ کړې وه چې وروستو ئي اورولې او دغه درخواست ئې سره مسترد کړيدې ۔
عدالت چيف کمشنر ته د ميډيکل بورډ جوړولو حکم ورکړې،چي پکښې ډاکټر عارف او ډاکټر نديم قريشي هم شاملولو حکم شويدې ،عدالت واضحه کړې چې د ميډيکل بورډ به د دې خبرې فيصله کوي چې آيا باني تحريک انصاف هسپتال ته منتقل کړې يا نۀ؟ ۔
اسلام آباد هائيکورټ د جيل رولز مطابق د باني کورنۍ خبرولو هدايت کړې او وئيلي ئې دي چي ډاکټر نديم قريشي دې هم د باني فيملي سره رابطه کښې اوسي ۔
