وزيراعظم شهباز شريف مشرۍ کښې د علاقائي او نړيوال صورتحال په تناظر کښې اعلیٰ پائې اجلاس شوې چې پکښې کفايت شعارۍ پاليسۍ منظوري ورکړې شويده، اجلاس کښې وزيراعلیٰ خېبر پښتونخوا سهيل آفريدي پشمول د ټولو صوبو وزرائے اعلیٰ او د آزاد کشمير وزيراعظم ويډيو لنک په ذريعه شرکت کړېدې،کفايت شعارۍ پلان مطابق د وفاقي کابينې اراکينو د دوه مياشتو تنخواه ورکولو اعلان هم کړېدې، وزيراعظم هدايت کړې چې څلور واړه صوبې دې دغه منصوبه باندې مؤثرعمل درآمد يقيني کړي ۔
اسلام آباد: وزيراعظم شهبازشريف مشرۍ کښې د کفايت شعارۍ متعلق اهم اجلاس شوې چې پکښې د خېبر پښتونخوا وزيراعلیٰ سهيل آفريدي پشمول د ټولو صوبو وزرائے اعلیٰ او د آزاد کشمير وزيراعظم ويډيو لنک په ذريعه ګډون کړېدې ۔
وزير خزانه محمد اورنګزيب غونډې د مشرقِ وسطیٰ صورتحال په وړاندې په پاکستان پريوتې اثراتو باندې تفصيلي بريفنګ ورکړيدې ۔
اجلاس دوران ټول ملک کښې کفايت شعاري عمل کولو لپاره تګ لارې ته حتمي شکل ورکړې شوې، او دې لړ کښې متعلقه چارواکو او صوبائي حکومتونو نه تجاويز هم غوښتې شويدي ۔
اجلاس ته وينا کښې وزيراعظم شهبازشريف اووئيل چې حکومت به مشکل حالاتو باوجود اولس ته تر ډير حده ريليف ورکوي ۔
دې لړ کښې وزيراعظم وفاقي وزيرانو، سيکرټريرز او نور سرکاري افسرانو ته خصوصي هدايات هم جاري کړيدي ۔
اجلاس کښې فيصله شوې چې د نوې څيزونو خريدارۍ اوسرکاري دورو باندې به بنديزوي، د سرکاري ګاډو تيل به هم دوه مياشتو لپاره پنځوس فيصده کمولې شي، غير ترقياتي بجټ کښې هم شل فيصد کمي فيصله شويده ۔
