وزيراعظم شهبازشريف وئيلي دې چې ترهه ګرو بلوچستان کښې حمله کړې، فورسز بهادرۍ سره د ترهه ګرو مقابله کړې او يوسل اتيا ترهه ګر ئې خپل انجام ته رسولي دي،وزيراعظم مطابق دې دوران اوولس ځوانان او يو ديرش عام وګړي هم شهيدن شوي، وفاقي کابينې ته وينا کښې وزيراعظم وئيلي چې ايران کيشده صورت حال کښې د پاکستان برادرانه کردار ادا کړې، ټي ټوئنټي ورلډکپ کښې به پاکستان بهارت سره ميچ نۀ لوبوي، لوبو په ميدان کښې سياست نۀ دي کول پکار ۔
اسلام آباد: د وفاقي کابينې اجلاس ته وينا کښې وزيراعظم شهبازشريف وئيلي دي چې پوره کوشش دې چې ايران معامله خبرو اترو د لارې حل شي ۔
وزيراعظم اووئيل غواړو چې منطقه کښې راپيښې خطراتو خاتمه اوشي، او خطې کښې امن راشي، قطر، ترکيه، مصر او نور ملکونه هم د ايران په معامله کوششونه کوي ۔
وزيراعظم اووئيل چې بلوچستان کښې د فتنه الهندوستان ترهه ګرو حمله کړيده، زمونږ بهادر فوج د ترهه ګرو بهرپور مقابله کړې او جوابي کاروائۍ کښې ئې يوسل اتيا ترهه ګر وژلي دي ۔
شهبازشريف اووئيل چې ترهه ګرو حملې کښې اوولس ځوانان او يوديرش عام وګړي هم شهيدان شويدي، ترهه ګرو ګوادر کښې پينځه ماشومان او زنانه قتل کړېدي ۔
د وزيراعظم وينا وه چې معرکه حق کښې پاک افواج دښمن ته شکست ورکړې، زمونږ د شهدا قربانۍ به رنګ راؤړي او ترهه ګرۍ خاتمه به په هر صورت کولې شي ۔
وزيراعظم مخکښې اووئيل چې ټي ټوئنټي ورلډ کپ په معامله بنګلاديش سره ولاړ يو، پاکستان به بهارت خلاف ميچ نۀ لوبوي، لوبو په ميدان کښې سياست نه دي کول پکار دې،بنګلاديش سره اظهار يکجهتي کوؤ ۔
