د خېبر نيټ ورک سي اي او نيازبين ځوئي مختار حامد راجه دريم تلين نمانځلې شويدې، په دې موقع د خېبر نيټ ورک اسلام آباد سينټر کښې دعائيه تقريب اهتمام شوې وو چې پکښې د خېبر نيټ ورک مشرانو او کارمندانو ګڼ شمير کښې ګډون کړې او د ارواښاد مختار حامد راجه ايصال ثواب او بخښانې لپاره ئې دعا هم کړيده ۔
اسلام آباد: مختار حامد راجه کال نورلس سوه څلور اتيايم کښې زيږيدلې وو او په ځوانۍ کښې د اوږدې ناجوړتيا لوجې پحق رسيدلې وو ، مختار حامد راجه کال دوه زره دوه ويشتم کښې د اتۀ ديرش کالو په عمر کښې دې فاني دنيا نه سترګې پټې کړې وې ۔
تعليم مکمل کولو نه پس مختار حامد راجه د خيبر نيټ ورک مختلفو شعبو کښې خپل قابليت ښودلې وو او يو مقام ئې جوړ کړې وو ،مختار حامد راجه د خېبر نيټ ورک افسرانو او کارمندانو سره د خپلو سکه وروڼو وخت تير کړې وو ۔
مختار حامد راجه چرته هم د خېبر نيټ ورک کارمندانو ته دا احساس نۀ وو ورکړې چې ګنې هغه د خېبر نيټ ورک سي اي او ځوئې دې ۔
خدائے بخښلې مختار حامد راجه نه صرف ميډيا کښې مصروفه وخت تير کړې وو بلکه هغه د کرکټ ،سکوائش او نورو لوبو هم ډير شوقين وو او نۀ صرف لوبې به ئې کتلې بلکه د هرې لوبې پورا ريکارډ به ورته هم معلوم وو ۔
مختار حامد راجه په په يوولسم دسمبر کال دوه زره دوه ويشتم کښې د اسلام آباد ايچ ايټ قبرستان کښې خاورو ته سپارلې شوې وو ۔
د مختار حامد راجه په وفات د ملک اعلیٰ سياسي، مذهبي مشرانو ، د خېبر نيټ ورک مشرانو او کارمندانو سخټ خفګان څرګند کړې وو، دوي وئيلي وو چې مونږ د يو مخلصه ملګري او دوست نه محرومه شوي ضرور يو، ولې هغه نن هم زمونږ يادونه کښې مونږ سره دې
درې کاله تيريدو باوجود هم د خېبر نيټ ورک کارمندان مختار حامد راجه داسې يادوي چې هغه نن هم دوي سره موجود دې ۔
