وزيراعلیٰ خېبرپښتونخوا سهيل آفريدي وئيلي دي چې فيض حميد د يو ادارې ملازم وو، که په څه معامله هغۀ ته سزا ميلاؤ شوې نو دا د ادارې خپله معامله ده، سهيل آفريدي دا هم وئيلي چې مونږ پرامن طريقې سره ځو او راځو ،ولې باني چيئرمين سره زمونږ ملاقات نۀ کيږي، سهيل آفريدي دا هم وئيلي چې زۀ د بل ملک وزيراعلیٰ نۀ يم، خېبرپښتونخوا د پاکستان صوبه ده او زۀ ئې وزيراعلیٰ يم ۔
پنډۍ: کښې اډياله جيل ته تلو نه منع کولو په وخت ميډيا سره خبرو اترو کښې سهيل آفريدي وئيلي دي چې باني پي ټي آئي د پاکستان او ادارو مضبوطيا خبره کوي، صاحب اختيار خلق که ګنړي نو مونږ سره دې مذاکرات اوکړي ۔
سهيل آفريدي اووئيل چې باني د مذاکراتو اختيار محمود اچکزئي او راجه ناصر عباس ته ورکړېدې، د محمود اچکزئي هرې فيصلې سره ولاړ يو ۔
هغه اووئيل چې عدالتي احکاماتو باوجود يو وزيراعلیٰ ته ملاقات اجازت نه ورکولې کيږي، باني او د هغه کوردانه ناحق قيد کړې شويدي، دغه خلق پخپله غلۀ دي، چې کله زمونږ حکومت راشي نو د دوي احتساب به کولې شي ۔
وزيراعلیٰ خېبرپښتونخوا اووئيل چې کوششونه روان دي چې باني مائنس کړې شي، دوي داسې قام سره واسطه پريوتې چې کوم د باني پي ټي آئي سره عشق کوي ۔
هغه زياته کړې چې مونږ آزاد عدليه او د جمهوريت بحالي غواړو، حکومت کارکردګي دا ده چې ځوانان پاکستان نه بهر تښتي، د حکومت درې نيم کاله نه روانه تجربه ناکامه شوېده ۔
د پخواني ډي جي آئي ايس آئي سزا په حواله سهيل آفريدي اووئيل چې فيض حميد د يو ادارې ملازم وو، که په څه معامله هغۀ ته سزا ميلاؤ شوې نو دا د ادارې خپله معامله ده ۔
