د آئي ايس آئي پخواني مشر ليفټيننټ جنرل (ريټائرډ) فيض حميد باندې څلور جرمونه ثابت شوي او هغه ته د څوارلس کالو قيدِ بامشقت سزا اورولې شويده ۔
پنډۍ: د پاک فوج شعبه تعلقات عامه له لوري جاري بيان کښې وئيلي شوي چې پخواني ډي جي آئي ايس آئي ليفټيننټ جنرل (ر) فيض حميد خلاف سياسي هلو ځلو کښې ککړ کيدو، د رياست تحفظ او مفاد لپاره نقصان ده آفيشل سيکريټ ايکټ خلاف ورزي، د اختياراتو او سرکاري وسائلو ناجائزه استعمال او خلقو ته په غلطه او غير قانوني طريقه نقصان رسولو کيسونو کښې مقدمې چلولې شويدي ۔
آئي ايس پي آر وئيلي دي چې د آئي ايس آئي پخواني مشر ليفټيننټ جنرل (ريټائرډ) فيض حميد باندې څلور جرمونه ثابت شوي او هغه ته د څوارلس کالو قيدِ بامشقت سزا اورولې شويده ۔
آئي ايس پي آر مخکښې وئيلي چې فيض حميد خلاف د پاکستان آرمي ايکټ لاندې فيلډ جنرل کورټ مارشل عمل شروع کړې شوې وو او دا عمل پنځلس مياشتو پورې جاري وو ۔
د پاک فوج ترجمان وئيلي چې فيض حميد خلاف څلور الزاماتو باندې کاروائي شوې ، او دغه ټول تورونه ثابتيدو نه پس ملزم ته سزا اورولې شويده ۔
آئي ايس پي آر مطابق د عدالت لخؤا اورولې شوې سزا اطلاق بي د يولسم دسمبر دوه زره پنځه ويشتم نه شروع کيږي، فيلډ مارشل جنرل د قانون ټولې تقاضې پورا کړې او ملزم ته د خپلې دفاع لپاره د وکيلانو منتخب کولو قانوني ټيم حق هم ورکړې شوي وو ۔
آئي ايس پي آر ترمخه د ملزم سياسي عناصرو سره جوړ جاړې، سياسي افراتفري او عدم استحکام معاملات جدا کتلې کيږي ۔
ياده دې وي چې ليفټيننټ جنرل (ر) فيض حميد په دولسم اګست کال دوه زره څليريشتم کښې د سپريم کورټ په حکم د ټاپ سټي کيس کورټ آف انکوائري شروع کيدو حکم نه پس حراست کښې اخستې شوې وو ۔
