اپر جنوبي وزيرستان تحصيل هيډکوارټر هسپتال مولا خان سرائے تير کال راهسې غير فعال دې چې لوجې ئې مريضان د مشکلاتو سره مخ دي او لرې هسپتالونو ته په تګ مجبوره شوېدي ، ځائي اولس غوښتنه کړې چې زر تر زره دې دا هسپتال دوباره فعال کړې شي ۔
اپر جنوبي وزيرستان: صحت محکمي ذرائعو وئيلي چې ټي ايچ کيو مولا خان سرائے هسپتال دوه زره شلم پورې د صحت محکمې مکمل انتظامئې او مالي کنټرول کښې وو چې وروستو صوبائي حکومت پبلک پرائيويټ پارټنر شپ ماډل تحت دٖغه هسپتال اين جي او حواله کړې وو ۔
صحت محکمې وئيلي چې اين جي او د عملې تعيناتي ، دوائيانو خريداري او سروس ډيليوري پشمول د ټي ايچ کيو هسپتال ټولې ذمه وارۍ سنبهال کړې وه ۔
مقامي اولس وئيلي دي چې په څلويښت بيډونو مشتمل دې هسپتال کښې سرجيکل ، ميډيکل ، ګائني ،اطفال او ډينټل سهولتونه دستياب وو ۔
مقامي ذرائعو مطابق د فنډ مسلسل تاخير لوجې دوه زره دوه ويشت کښې د هسپتال کارکردګي سخته متاثره شوې وه او اوس بيخې غير فعاله شوې، چې لوجې ئې ځائي خلق مشکلاتو سره مخ شوي او هغوي لرې هسپتالونو ته تلو باندې مجبوره دي ۔
روان کال کښې اولنو نهه مياشتو پورې فنډ په نۀ جاري کيدو د عملې تنخو اګانې بندې شوي او دوائيانو خريدارۍ عمل هم معطل شوې وو چې وروستو ئې دغه هسپتال ټول خدمات بند کړې شوي وو ۔
د اپر جنوبي وزيرستان اولس غوښتنه کړې چې زر تر زره دې دا هسپتال دوباره فعال کړې شي چې د ځائي خلق لرې هسپتالونو تلو نه بچ شي ۔
