قامي اسمبلۍ کښې د خېبرپښتونخوا ګورنر راج په حواله تود بحث شويدې،وزير قانون اعظم نذير تارړ وئيلي چې ګورنر راج د مارشل شکل نۀ دې، بلکه دا يو آئيني عمل دې، چې حالات خراب وي نو ګورنر راج نافذول آئين کښې موجود دي، بلخوا چيئرمين پي ټي آئي بيرسټر ګوهر قامي اسمبلۍ ته ضمانت ورکړې چې پي ټي آئي به په پارليمان حمله نۀ کوي، دا ئې هم وئيلي چې د پارليمان او جمهوريت لپاره به خپلې هلې ځلې جاري ساتو ۔
اسلام آباد: سپيکر ايازصادق په مشرۍ کښې د قامي اسمبلۍ اجلاس شوي، چې پکښې په خېبرپښتونخوا کښې ګورنر په حواله تود بحث شويدې ۔
وزير قانون اعظم نذير تارړ وئيلي چې ګورنر راج د مارشل شکل نۀ دې، بلکه دا يو آئيني عمل دې، چې حالات خراب وي نو ګورنر راج نافذول آئين کښې موجود دي، چې حالات خراب وي نو ګورنر راج نافذول آئين کښې موجود دي ۔
وزير قانون دا هم وئيلي چې د پي ټي آئي قامي اسمبلي پريښودو فيصله غلطه وه، که ايوان ئې نۀ وو پريښې نو دومره مسئلې به نۀ وې .
بلخوا چيئرمين پي ټي آئي بيرسټر ګوهر قامي اسمبلۍ ته ضمانت ورکړې چې پي ټي آئي به په پارليمان حمله نۀ کوي ۔
بيرسټر ګوهر اووئيل چې د پارليمان او جمهوريت لپاره به خپلې هلې ځلې جاري ساتو،خېبرپښتونخوا کښې د پي ټي آئي يو نوي ايم پي ايز دي، ولې د هري پور سيټ مو بيللې دې ۔
بيرسټر ګوهر مطابق خېبر پښتونخوا ګورنر راج نشي زغملې، صوبه کښې د ترهه ګرۍ ختمولو کوششونه کوؤ، او دا چې مونږ ته د بهارتي ميډيا همدردي نۀ ده پکار ۔
