اډياله جيل چارواکو وضاحت کړې چې باني پي ټي آئي مکمل صحت مند دې،جيل ته چې څوک هم راشي نو باني سره ئې ملاقات کولې کيږي، هفته کښې يو ځل د باني او بشریٰ بي بي ترمينځ هم ليدۀ کاتۀ کيږي ۔
پنډۍ: باني پي ټي آۍي سره جيل کښې د پارټۍ مشرانو ملاقاتونه نۀ کولو او د هغوي صحت په حواله په سوشل ميډيا خپارۀ شوي ګنګوسو باندې د اډياله جيل انتظاميې وضاحت مخې ته راغلې دې ۔
اډياله جيل چارواکو وضاحت کړې چې باني پي ټي آئي مکمل صحت مند دې،جيل ته چې څوک هم راشي نو باني سره ئې ملاقات کولې کيږي ۔
د اډياله جيل چارواکو مخکښې وئيلي چې هفته کښې يو ځل د باني پي ټي آئي او د هغۀ کورودانې بشریٰ بي بي ترمينځ هم ليدۀ کاتۀ کيږي ۔
ذرائعو وئيلي چې د جيل شپږ کمرې د باني استعمال کښې دي،د ټي وي او اخبار سهولت هم ورکولې کيږي ۔
د جیل چارواکي وائي چي اډیاله جیل کښې موجود د بانی پی ټي آئي د صحت متعلق افواه ګانو کښې هیڅ صداقت نيشته او دا چې جيل کښې د بانی پی ټي آئي د صحت مکمل خیال ساتلې کیږي ۔
د جیل ذرائعو ترمخه باني پي ټي آئي ته هفته کښې يوځل د ډوډۍ راغوښتلو اجازت ورکړې شويدې ،او د بهر نه کورنې چرګ او مهي راغوښتلي کيږي، باني پي ټي آئي سره د جيل مینوئیل مطابق ملاقاتونه هم کيږي ۔
بلخوا سيکيورټي صورتحال په وړاندېې پنډۍ کښې د اډياله جيل خواؤشا علاقو کښې امنيتي اقدامات نور هم سخت کړې شويدي، پوليس ذرائعو مطابق د اډياله جيل ګير چاپير اضافي سيکيورټي لپاره نوې پلان جاري کړې شوې، دا پلان به نامعلومه وخت پورې نافذ وي ۔
ذرائعو ترمخه اډياله جيل روډ باندې اضافي ناکې لګولې شوي، او د پوليس نفرۍ کښې هم اضافه شويده، د پوليس اهلکارانو او افسرانو ډيوټۍ د ددولس، دولس، ګهنټو دوه شفټونو کښې تقسيم کړې شويدي ۔
