دضلع خېبر وادي تيراه ميدان کښې د وسله والو او مقامي مشرانو ترمينځ مذاکرات کامياب شوي ، دمختلفو قومونو مشرانو ترهه ګرو ته د علاقې پريښودو لپاره پينځم اګست آخري مهلت ورکړيدې ۔
خېبر: د ضلع خېبر وادي تيراه ميدان کښې امن قائمولو لپاره مقامي مشرانو يوه لويه احتجاجي مظاهره کړې چې مشري ئې قومي مشر حاجي ظاهر شاه آفريدي کوله ۔
په احتجاج کښې دعلاقې مشرانو پشمول مختلف ديني مدرسو طالب عالمانو او عامو خلقو هم ګډون کړے وو،دمختلفو قومونو مشرانو ترهه ګرو ته د علاقې پريښودو لپاره پينځم اګست آخري مهلت ورکړيدې ۔
مظاهرچيانو وئيلي که چرې وسله والو ډلو سيمه کښې دحالاتو خرابولو کوشش اوکړو نو دعلاقې مشران ، ځوانان او سپين ږيري به په مشترکه توګه د طالبانو په مهمو مرکزونو حملې کوي ۔
مظاهرچيانو اووئيل چې په تيرو وختونو کښي د زياتې بدامنۍ او ترهه ګرۍ لوجې مقامي خلقو ته سخت مالي او ځاني نقصان رسيدلې دې چې تر ننه پورې دغه نقصان د متاثرينو په سرونو پروت د ې او هيچا ورسره هيڅ مالي مرستې نۀ دي کړې ۔
