کوهاټ ډويژن کښې د سیکيورټي فورسز د ترهه ګرو خلاف آپريشن کړې چې پکښې پنځلس ترهه ګر وژلي شوي دي ،آر پي او عباس مجيد مروت وئيلي چې کاروائۍ کښې ګن شپ هيلې کاپټرو په ذريعه د ترهه ګرو يو شمير پټې ټهکانې هم تباه کړې شويدي ۔
کوهاټ ډويژن په قبایلي او سرحدي سیمو هنګو، اورکزئۍ، لوئر کرم او کرک کښې د ترهه ګرو خلاف سیکورټي فورسز کامياب آپريشن کړې چې پکښې لږ تر لږه پنځلس ترهه ګر وژلي شوي دي ۔
د کوهاټ ډويژن آر پي او عباس مجید مروت وئيلي دي چې آپريشن دوران ګن شپ هيلي کاپټرو په ذريعه د ترهه ګرو په پټو ټهکانو شيلنګ شوې چې پکښې يو شمير ټهکانې تباه کړې شويدي ۔
آر پي او مطابق دغه کاروائيانې چهپري، کنډاؤ، شناوړي، زرګري او نریاب سیمو کښې شوې چې پکښې کاميابۍ سره د وسله والو پټې ټهکانې په نښه خړې شوي دي ۔
هغۀ مخکښې اووئيل چې ترهه ګر د غرونو او ځنګلي سیمو خواته تښتيدلي خو د فوج، ایف سي او پولیسوځوانانو د ترهه ګرو لټون روان شروع کړيدې ۔
ډي آئي جي عباس مجيد زياته کړې چې د کرک په نوګو ایریا کوه میدان کښې هم د سيکيورټي فورسز عملیات روان دي او دا سیمه هم له ترهه ګرو پاکه کړې شوېده ۔
عباس مجيد مروت دا هم اووئيل چې تېرو لسو ورځو کښې د هنګو، کرک، اورکزو او کرم په بیلابیلو سیمو کښې پنځلس ترهه ګر وژلي شوي او ګنړ شمير ژوبل شويدي ۔
