پيښور هائيکورټ د سوات پيښې او په سيندونو قائم تجاوزاتو خلاف دائر شوې درخواست باندې تحريري حکمنامه جاري کړېده، عدالت وئيلي چې د صوبائي حکومت لاپرواهۍ لوجې سوات پيښه رامخې ته شوې او دې پيښه کښې اوولس قيمتي ځانونه ضائع شويدي، عدالت سوات پيښه د صوبائي حکومت يوه سنګينه لاپرواهي ګرځولې او د پيښې د جامع پلټنو حکم ئې هم کړې دې ۔
د پيښور هائيکورټ تحريري حکمنامه کښې وئيلي شوي چې د صوبائي چارواکو غفلت لوجې اوولس قيمتي ځانونه ضائع شوي، د دې پيښې باوجود د سيلګرو حفاظت لپاره هيلي کاپټر يا نورې هنګامي طريقې نۀ دي استعمال کړې شوې ، کوم چې اولسې خدمت کښې مجرمانه کوتاهي ده ۔
عدالت خپله فيصله کښې وئيلي چې د خېبرپښتونخوا مختلفو سيندونو پشمول سوات سيند، پنجکوړه، دير، سندھ، کابل او چارسدہ سيندونو باندې غير قانوني هوټلې او د ودانو تعمير معمول جوړ شوې دې، کوم چې انساني ځانونو لپاره لويه خطره جوړه شوې ده، د دې عمارتونو موجودګي د ادارو ناکامي او تماشبين جوړويدو ښکارۀ ثبوت دې ۔
پيښور هائيکورټ هدايت کړې چې د سوات پيښې پلټنو لپاره جوړه شوې کميټي دې اووه ورځو کښې تحقيقات مکمل کړي او څوارلس ورځو کښې دې تفصيلي رپورټ عدالت کښې جمع کړي، د خېبر پښتونخوا ايډوکيټ جنرل دې هم وضاحت اوکړي چې د اولس د تحفظ لپاره صوبائي حکومت اوسه پوره کوم کوم ګامونه پورته کړيدي ۔
عدالت دا هدايت هم کړې چې سول ايوي ايشن اتهارټي دې هم خپل رپورټ عدالت ته وړاندې کړي چې د پشکال بارانونو پشان هنګامه صورتحال کښې هيلي کاپټر ولې نشي استعماليدې ،ولې چې سوات پيښې په وخت موسم صفا وو او دوه هيلي کاپټرې هم موجود وې ۔
عدالت متعلقه ټولو ادارو ته سختۍ سره امر کړې چې د پشکال بارانونو په وړاندې دې ټول حفاظتي اقدامات پورته کړې شي او دې لړ کښې دې د خپلې کارکردګۍ تفصېلي رپورټ عدالت ته پيش کړي ۔
