پاکستان په نړيواله رورولۍ غږ کړې چې افغانستان دي يواځې نۀ پريږدي ، د مستقل امن لپاره سفارتکاري او مکالمه لازمي دي ، د پاکستان مستقل مندوب عاصم افتخار وائي په ټول افغانستان د يوې انتظامئې کنټرول دے او څه سنجيده چيلنج نيشته ، ټي ټي پي ، داعش او نورې وسله وال ډلې د حکومت کنټرول سيمو نه بهر فعاله دي ، دا ډلې نۀ يواځې د ګاونډيانو بلکه ټولې منطقي لپاره خطره ده ۔
متحده قامونو جنرل اسمبلۍ کښې د افغانستان په صورتحال مباحثې ته د وينا په وخت عاصم افتخار په ډاګه کړې چې افغانستان کښې امن و استحکام پاکستان لپاره قدرتي ضرورت دې ، افغان اولس په څلويښت کاله جهګړو کښې سخت متاثره شوې د کوم اثرات چې د پولو نه بهر هم محسوس شوي ۔
هغۀ اووئيل چې د طالبانو واک ترلاسه کولو څلور کاله پوره شو ، څلور لسيزو پس افغانستان کښې د جنګ ختمون په نظر راځي ، د يو پر امنه افغانستان اميدونه پيدا شوي ، داسې خوشحاله افغانستان کوم چې ترهه ګرۍ نه پاک وي او د نړيوال ورورولۍ برخه جوړيدو توان لري ۔
د پاکستان مستقل مندوب وينا وه چې افغانستان کښې د اميد سره مايوسي او ويره هم موجود ده ، افغان اولس معاشي ، ترهه ګرۍ ، غر بت او نورو بنيادي مسئلو سره مخ دې ، افسوس دې چې اوس هم د افغانستان خاوره ترهه ګر او پراکسي ډلې د نورو هيوادونو په خصوصي توګه د پاکستان خلاف استعمالوي ۔
عاصم افتخار مخکښې اووئيل چې افغانستان کښې ټي ټي پي ، داعش او بلوچ واسله وال فعال دي ، د افغانستان خاوره دې د يو ملک خلاف هم استعمال نۀ کړې شي ۔
عاصم افتخار زياته کړې چې په ټول افغانستان د يوې انتظامئې کنټرول دې ، داسې ګامونه نه ډډه پکار ده چې د افغانستان نظام خراب کړې ۔
