بلوچستان کښې د روان بارانونو لوجې نقصانات ، مختلفو پيښو دوران اووه کسان پحق رسيدلي ، پي ډي ايم اے وائي چې لورالائي ، واشک ، موسیٰ خيل او سوراب ضلعو کښې نقصانات رپورټ شويدي ۔
پي ډي ايم اے بلوچستان له لوري جاري رپورټ کښې وئيلي شوي چې د اوسني بارانونو لوجې دوه ويشت کورونه هم ړنګ شوي ، بارانونو ، جاکړ او آسماني تندر غورځيدو له امله مختلفو ضلعو کښې نقصانات شوي ۔
پي ډي ايم اے ترمخه ضلع واشک کښې د فليش فلډ نه کورونو او زرعي زمکو ته زيان رسيدلې ، د نقصاناتو معلومولو لپاره سروے جاري ده ۔
پي ډي ايم اے زياتوي چې لورالائي کښې د طوفاني باران لوجې ديوال پريوتو له امله يوه ماشومه پحق رسيدلې ، موسیٰ خيل کښې د آسماني تندر غورځيدو له امله دوه ځوانان پحق رسيدلې ، سوراب ضلع کښې هم د نقصاناتو اطلاع ترلاسه شوې ۔
بلخوا پي ډي ايم اے راتلونکي شواروز دوران ډيره بګټي ، نصير آباد او صحبت پور پشمول د بلوچستان بعضې نورو سيمو کښې د نور طوفاني بارانونو انديښنه څرګنده کړيده ۔
