لسم محرم الحرام د حضرت امام حسين عليه السلام او د کربلا د نورو شهيدانو د ياد ورځ، د ملک مختلف ښارونو کښې ماتمي جلوسونه ويستلې شوي، عزادارانو د ماتم، نوحو او سينه زنۍ د لارې خپل غم څرګند کړے، د عاشورې په مناسبت لارو کوڅو او امام بارګاهو مخې ته سبيلونه لګول شوي وو، په دې موقع د سيکيورټي هم سخت انتظامات شوي وو ۔
په ټول ملک کښې لسم محرم الحرام د يوم عاشور په توګه مذهبي عقيدت او احترام سره نمانځلې شي،د حضرت امام حسين (رض) او د کربلا د نورو شهيدانو ياد تازه کولو لپاره په مختلفو ښارونو کښې ماتمي جلوسونه ويستلې شوي ، کوم چي په خپل راويتي لارو سر ته رسيدلي دي ۔
کراچۍ، لاهور، اسلام آباد، پيښور، هنګو، پاړه چنار، نوښار، کوئټه، ملتان او د ملک نورو لوئې وړو ښارونو کښې جلوسونه او مجلاس شوي او بيا دغه جلوسونه په خپل روايتي لارو خپل مقاماتو ته پرامن طريقې سره رسيدلي دي ۔
عزادارانو د ماتم، نوحو او سينه زنۍ د لارې خپل غم څرګند کړي، مجالس شوي، چي پکښي د امام حسين (رض) سره شوي ظلم ، د کربلا ميدان واقعه او د يزيد سفاکيت باندې بيانونه شوي ۔
د عاشورې په مناسبت لارو کوڅو او امام بارګاهو مخې ته سبيلونه هم لګول شوي وو، چرته چې د ګرمۍ له امله خلقو ته يخې اوبه، شربتونه او ډوډې انتظامات شوي وو
په دې موقع د امنيت لپاره هم کوټلي ګامونه پورته کړې شوي وو، د جلسونو لپاره لارو بندوبست شوې وو، ځائې په ځائې پوليس، رينجرز، او نورو قانون نافذکونکو ادارو اهلکار تعينات کړې شوي وو ، ځيني ښارونو کښې موبائل سروس هم معطل وو ۔
