حکومت پاکستان د پي او آر کارډ لرونکي افغان کډوالو خلاف کاروائې فيصله کړې، دې لړ کښې سرښار اسلام آباد او د ټولو صوبو انتظاميو ته مراسله جاري کړې شوې، مراسله کښې وئيلي شوي چې تر څو حکومت پاکستان د پي او آر کارډ هولډرز موده کښې د توسيع فيصله نۀ وي کړې، تر هغې به کاروائۍ جاري وي ۔
تفصيلاتو مطابق پي او آر کارډلرونکي افغان کډوالو ډيډلائن په ديرشم جون ختم شويدې، د کوم وروستو چې د افغان کډوالو پشمول نورو غير ملکيانو قانوني تحفظ ختم شويدي، ولې تر دمه دې کډوالو ته توسيع ورنکړې شوه ۔
اسلام آباد پوليس سرچينو وئيلي دي چې د غيرقانوني افغانانو فهرستونه د وړاندې نه تيار کړې شويدي، او هاغه سيمو نشاندهي هم شويده چرته پي او آر کډوال ميشته دي ۔
ددې وړاندې اقوام متحده نمائندګانو د سيفران وزارت چارواکو سره ملاقات شوې چې پکښې پي او آر مهاجرينو ته درې نه شپږ مياشتو لپاره توسيع درخواست ورکړې شوې وؤ، چارواکو دغه درخواست داخله وزارت ته ليږلې وؤ، ولې دې لړ کښې به حتمي منظوري وفاقي کابينه ورکوي ۔
ياده دې وي چې پاکستان کښې پروف آف رجسټريشن يعني پي او آر کارډ لرونکي افغان کډوالو شميره څوارلس لاکه نه سيوا ده ۔
