خارجه وزير اسحاق ډار وئيلي دي چې د خپل دفاع لپاره پاکستان د بهارتي جارحيت جواب ورکړې او سيمه کښې بالادستۍ په حواله بهارتي دعوې ئې ورله په هوا کښې الوزولي دي ،بهارتي جارحيت خلاف په سفارتي سطح هم پاکستان کامياب شوې او نړۍ د پاکستان د موقف ستائينه کړيده ۔
اسلام آباد کښې خبري غونډې ته وينا نائب وزيراعظم اسحاق ډار وئيلي دي چې د چين دورې پرمهال ئې د خپل چيني هم منصب سره ملاقات شوې او د دې نه علاوه پاکستان، چين او افغانستان سه فريقي مذاکرات هم ترسره شويدي ۔
اسحاق ډار وئيلي دي چې نن د پاکستان په سفارتي کاميابې بهارت کښې د خفګان ماحول دې، او عالمي برادرۍ ته د پاکستان پوزيشن ډير په ښه ډول معلوم شوې دې ۔
وفاقي وزير اووئيل چې پهلګام پيښې تحقيقاتو نه بغير بهارت په پاکستان باندې الزامات اولګول، نن نړۍ د پاکستان موقف تسليموي او چين هم بهارتي جارحيت باندې د پاکستان د موقف حمايت کړې دې ۔
د هغه وينا وه چې پاک بهارت تناؤ او د دې وروستو راپورته شوي صورتحال باندې نړۍ خبرولو لپاره د پاکستان وفدونو د مختلف ملکونو دورې کوي ۔
د خارجه وزير وينا وه چې دې لړ کښې د بلاول بهټو زرداري په مشرۍ کښې وفد د واشنګټن په دوره دې، دغه رنګ د روس او ترکيه ته هم د پاکستان وفدونه تلي دي او متعلقه ملکونه ئې د پاکستان پوزيشن نه خبر کړيدي ۔
