د پاک فوج ترجمان ليفټيننټ جنرل احمد شريف چودهري وئيلي دي چې پهلګام پيښې لس منټه پس بهارت په پاکستان د حملے الزام لګوې، لس منټه کښې بهارتي پوليس ته کوم ثبوت ميلاو شوې، ثبوت خو دي پيش کړي، پاکستان د تحقيقاتو مطالبه کوي، نو مودي پشا کيږي، خو ټولې دنيا ته معلومه ده چې مودي سرکار دا صورتحال د خپل سياسي ګټو لپاره جوړ کړيدې ، مودي سره د خپل اولس لخوا پورته شوي سوالونو جواب هم نيشته، بهارتي ميډيا چې کوم خبرونه ورکوي، په هغې صرف خندا کيديشي ۔
د پاکستان ائير فورس او پاکستان نيوي سينئر افسرانو سره په شريکه په موجوده صورتحال بين الاقوامي ميډيا ته بريفنګ په وخت ډي جي آئي ايس پي آر ليفټيننټ جنرل احمد شريف چودهري وئيلي دي چې پهلګام واقعه د بهارتي سرکاري فالس فليګ آپريشن وو، تر دې دمه چې څومره الزامونه په پاکستان لګولې کيږي، هغه صرف ډرامه ده، مودي سرکار دې يو ثبوت خو پيش کړي ۔
د پريس کانفرنس دوران ترجمان پاک فوج د مقبوضه کشمير خلقو ميډيا سره شوې خبري هم چلولي، په کوم کښې چې هغوي په مودي سرکار سوالونه پورته کړي، او وئيلي دي چې دومره ډير فوج موجودګۍ کښې څنګه سرحد پار ترهه ګر راغلل، دا خو د بهارت سيکيورټي ناکامي ده ۔
ډي جي ائي ايس پي ار اووئيل چې بهارت د پاکستان ټول ډيجيټل ميډيا باندې بنديز لګولې چې خلقو ته ئې حقيقت معلوم نشي او صرف هغه واوري کوم چې ګودي ميډيا پروپيګنډا کوي ۔
د احمد شريف چودهري وينا وه چې د بهارت تاريخ دې چې هميشه ئې فالس فيلګ آپريشنز کړي او بيا ئې ترې سياسي فائده ترلاسه کړيده، دې دوران ترجمان پاک فوج د ترهه ګرو او بهارتي فوجي افسرانو ترمينځ شوې ټيليفونک خبرې هم اورولي، د کوم نه چې دا واضحه شوې چې بهارتي سرکار پخپله دا هر څه کړي، چې راتلونکي اليکشن کښې مودي ته ګټه ميلاؤ شي ۔
ډي جي آئي ايس پي آر زياته کړه چې ګودي ميډيا د پاکستان په ښارونو د بمبارۍ، د الوتکو غورځولو او پاکستان ته د بهارتي فوج داخليدو دعوې کوي، او چې کوم انداز سره په ټي وي خبرونه نشر کيږي، هغې پورې ټوله دنيا خاندي، ځکه چي هر خبر ئي دروغ وي او دومره دروغ چې خپل خلق ورپورې هم ملنډې کوي ۔
ترجمان زياته کړې بهارت پخپله ترهه ګر سپانسر کوي، پاکستان کښې چې څومره ترهه ګرۍ واقعات کيږي، د هغې پشا د بهارت لاسونه وي، دې نه علاوه مودي سرکار چې په کشميريانو کوم ظلم او بربريت جاري ساتلې، دنيا کښې د هغې مثال نه ميلاويږي ۔
ي جي آئي ايس پي آر ليفټيننټ جنرل احمد شريف چودهري دا هم اووئيل چې بهارتي حملو خښې اوسه پورې دري ديرش کسان شهيدان او څلور اوويا کسان ژوبل شويدي ،پاکستان د خپل دفاع پورا پورا صلاحيت لري، او هميشه پشان به هر دښمن ته غاښ ماتې جواب ورکوي ۔
