آرمي چيف جنرل عاصم منير وئيلي دي چې د ترهه ګرو هيڅ مذهب، مسلک يا قوميت نيشته، د دوي مقابله قامي يووالي، پوخ عزم او يقين سره کيديشي،پاکستان يو پرامن ملک او د امن خواهشمند دې، کۀ چرې د ملک خودمختاري اوعلاقائي سلامتياچيلنج کړې شوه نو د پاکستاني قام عزت او سلامتيا تحفظ لپاره به بهرپور طاقت سره جواب ورکولې شي ۔
آئي ايس پي آر طرف نه جاري بيان کښې وئيلي شوي چې جنرل هيډکوارټر پنډۍ کښې د پنځلسم بلوچستان نيشنل ورکشاپ شوې، په دې موقع د پاک فوج سرلښکر جنرل عاصم منير د ورکشاپ ګډونوالو سره ملاقاتونه کړې او خطاب ئې هم کړېدې ۔
آئي ايس پي آر ترمخه دغه ورکشاپ دوه زره شپاړسم راهسې کيږي چې پکښې بلوچستان سره تعلق لرونکي اراکين پارليمنټ، بيوروکريټس، سول سوسائټي، ځوانان، ماهرينِ تعليم او ميډيا نمائندګان ګڼ شمير کښې شرکت کوي ۔
په دې موقع خپل خطاب کښې آرمي چيف واضحه کړې چې غير ملکي سرپرستۍ کښې کيدونکې ترهه ګرۍ سره د بلوچستان سلامتيا او ترقۍ ته لوئې خطره راپيښه شويده ۔
آرمي چيف اووئيل چې ترهه ګر د بلوچ په شناخت نوم باندې بدامني خوروي ،اصل کښې دا شرخوښي د بلوچ قام عزت او وقار باندې تور داغونه دي ۔
په دې موقع آرمي چيف د بلوچستان اقتصادي او سماجي بهترۍ لپاره حکومتي کوششونو باندې رڼا اچولې او وئيلي دي چې د دې منصوبو نتائج اوس مخې ته راځي، کوم نه چې د بلوچستان خلق نيغ په نيغه مستفيد کيږي ۔
