کورکمانډرز کانفرنس کښې وئيلي شوي چې د جنګ مسلط کولو څه قسمه کوشش به يقيني او فيصله کن جواب ورکولي شي، دآرمي چيف په مشرۍ کښې کورکمانډرزکانفرنس کښې د خطې موجوده صورتحال جامع جائزه اخيستې شوې ۔
کانفرنس کښې د پاک بهارت کشيدګۍ او علاقائي سلامتياامور هم زير غور راغلي، آئي ايس يي آر مطابق په دې موقع آرمي چيف جنرل عاصم منير وئيلي چې مسلح افواج د وطن دفاع لپاره دخپل اولس سره متحد ولاړ دې،آرمي چيف په ټولو محاذونو چمتو اوسيدو او فعال تياريانو په اهميت هم زور راوړې دې ۔
د پاک فوج اطلاعاتو شعبې آئي ايس پي آر طرف نه جاري بيان کښې وئيلي شوي چې د آرمي چيف جنرل عاصم منير په مشرۍ کښې جي ايچ کيو پنډۍ کښې خصوصي کور کمانډرز کانفرنس شويدې ۔
آئي ايس يي آر لخوا جاري شوې بيان مطابق په دې موقع د کورکمانډرز کانفرنس شرکا وئيلي چې بهارتي افواج د پهلګام پيښې وروستو په لائن آف کنټرول مسلسل بےګناه شهريان په نښه کوي، د بهارتي فوج غير انساني او بلا اشتعال کارروائيانې سيمه کښې کشيدګۍ له هوا ورکوي ۔
کورکمانډر کانفرنس کښې فيصله شوې چې د بهارتي فوج بلا اشتعال کاروائيانو به موثر او مناسب جواب ورکولي شي
، په دې مقع په مقبوضه کشمير کښې په بهارتي ظلمونو هم د شديد تشويش اظهار شويدې ۔
کانفرنس ته وئيلې شوي چې د بهارت لخوا د اوبو بطور هتيار استعمال انتهائي خطرناک دې ، د اوبو د وسلې په توګه استعمال سره به د پاکستان څليريشت کروړه آبادي متاثره کيږي ، او دا چې د اوبو بطور هتيار استعمال سره به د جنوبي ايشيا عدم استحکام کښې اضافه اوشي ۔
د کورکمانډرز کانفرنس شرکا وئيلي چې بهارت به خپل مذموم هتهکنډو په ذريعه د خپل دهشتګرد پراکسيز فعال کولو کښې ناکامۍ سره مخ کيږي ، د پاکستان امن او ترقۍ لاره د څه قسمه بلاواسطه يا پراکسيز په ذريعه نشي اودرولې کيدې، او دا چې د پاکستان او امن او ترقۍ لاره د ترهه ګرۍ ، جبر يا جارحيت په ذريعه نشي اودرولي کيدې ۔
آئي ايس يي آر مطابق آرمي چيف په دې موقع د مسلح ځواکونو غيرمتزلزل پيشه ورانه مهارت ، ثابت قدمۍ او آپريشنل تياريانو ستائنه کړې او زياته کړې ئي ده چې مسلح افواج د وطن دفاع لپاره دخپل اولس سره متحد ولاړ دي، آرمي چيف په ټولو محاذونو د پاک فوج ځوانانو ته چمتو اوسيدو او فعال تياريانو په اهميت زور هم راوړې دې ۔
