پاک فوج پاکستان کښې د بهارت رياستي دهشتګردۍ ثبوتونه وړاندې کړېدي،ډي جي آئي ايس پي آر ليفټيننټ جنرل احمد شريف چودهري وئيلي چې پاکستان کښې بهارت د ترهه ګرۍ پيښو کښې ککړ دې، د پهلګام پيښې اووه ورځي شوي، اوسه پورې بهارت هيڅ شواهد نۀ دي پيش کړې، صرف بے بنياد الزامات ئې لګولې دي، بهارت پاکستان کښې عام خلقو او پاک فوج باندې حملو لپاره ترهه ګرو ته بارود فراهم کوي ۔
پنډۍ کښې خبري غونډې ته وينا کښې د آئي ايس پي آر سربراه ليفټيننټ جنرل احمد شريف چودهري اووئيل چې په پنځه ويشتم اپريل جهلم کښې بس اډې نه د بهارت تربيت يافته ترهه ګر عبدالمجيد نيولې شوې وو،کور نه ئې انډين ساخته ډرون او لس لکه روپې هم برآمد شويدي ۔
د پاک فوج ترجمان اووئيل چې د دغه ترهه ګر هينډلرد بهارتي فوج صوبيدار سکهويندر سره وټس ايپ چيټ هم نيولې شوې او د دې دواړو ترمينځ شوې خبرې هم مخې ته راغلي دي ۔
ډي جي آئي ايس پي آر اووئيل چې دغه وټس ايپ چيټ کښې نيولي شوي ترهه ګر ته بهارتي صوبيدار لخوا لوکيشن ميلاويږي،هغه ته هدايات ورکولې کيږي چې د يوکس په ذريعه به ورته آئي ډي اورسولې شي او بيا ورته د آئي ډې ميلاويدو تصديق هم شوې دې ۔
ليفټيننټ جنرل احمد شريف چودهري مخکښې اووئيل چې د دغه ترهه ګر سره رابطه کښې اوسيدونکي د نور څلور کردارونو نشاندهي هم شوې چې پکښې ميجر سنديپ ورما، چې شناخت ئې سمير په نوم شوې، صوبيدار سکهويندر، حوالدار اميت او يو سپاهي شامل دي ۔
خبري غونډې دوران د پاک فوج ترجمان د بهارتي ترهه ګرو په موبائل خبرې هم اورولي ، چې پکښې هغوي وائي چې دوه بلوچستان نه تر لاهور پورې پاکستان کښې ترهه ګري کوي ، او دا د بهارت د فوجي افسرانو په پاکستان کښې د ترهه ګرۍ واضحه ثبوتونه دي ۔
ليفټيننټ جنرل احمدشريف چودهري اووئيل چې د بهارتي رياست دهشتګردۍ کښې د بهارت ميډيا هم د هغوي مکمل سپورټ کوي ۔
هغه اووئيل چې د بهارتي فوج صوبيدار نيولي شوي دهشتګرد عبدالمجيد ته د مختلفو ځايونو لوکيشن ليږي او بيا د ترهه ګرې پيښې هم رامخې ته کيږي چې پکښې بے ګناه کسان متاثره کيږي ۔
ليفټيننټ جنرل احمد شريف چودهري اووئيل چې د بهارتي فوجيانو آډيو پيغامونه کښې اوريدلي کيږې چې خپلې ميډيا ته وائي چې مونږ ته کوريج پکار دې، دوي وائي چې پاکستان کېښ زياته نه زياته ترهه ګري اوشي او دنيا ته پته اولګي چې پاکستان کښې ترهه ګري ډيره زياته ده ۔
