د چائے والا په نوم نامتو ارشد خان پاکستاني شهريت د خطرې سره مخ شوې ، ارشدخان المعروف چائے والا شناختي کارډ او پاسپورټ بلاک کړے شويدي ،د کوم خلاف چې هغه د لاهور هائيکورټ پنډۍ بينچ کښي درخواست جمع کړيدې ۔
د اوولس کالو په عمر کښې د اسلام آباد اتوار بازار کښي د چائے خرڅولو په وخت تصوير په سوشل ميډيا وائرل کيدو نه مشهور شوې ارشدخان د پاکستاني شهريت په حقله سوالونه پورته شويدي ۔
نادرا او پاسپورټ چارواکو د شهريت شواهد نه پيش کولو باندې د ارشد خان شناختي کارډ او پاسپورټ بلاک کړي ، شناختي کارډ او پاسپورټ بلاک کولو خلاف ارشد خان د عمر اعجاز ګيلاني ايډوکيټ په ذريعه د لاهور هائيکورټ پنډۍ بنچ سره رجوع کړي ده ۔
درخواست ګزار عدالت کښې دريز خپل کړې چې دهغه نه نولس سوه اته اويايم نه وړاندې رهاشي شواهد غوښتي شوي ، د ارشد خان په درخواست عدالت متعلقه چارواکي د ريکارډ سره په اوولسم اپريل طلب کړيدي ۔
