اسلام آباد او پنډۍ کښې مسلسل باران لوجې د جنوبي افريقې او آسټريليا ترمينځ اهم ميچ کښې ټاس هم نه وو شوې ۔
فيلډ امپائرز يوه نيمه بجه د پنډۍ ګراونډ جائزه اخستې وه، او بيا پنځو بجو پورې ئې مسلسل د موسم جاج اخستو ،ولې د باران نۀ اودريدو لوجې ئې بيا ميچ منسوخ کړو ۔
ميچ منسوخۍ سره دواړو ټيمونو ته يو، يو پوائنټ ميلاؤ شوې ، چې ورسره دغه دواړه ټيمونه د ميګا ايونټ ګروپ بي کښې په اول او دوئم نمبر دي، ولې انګلينډ او افغانستان په دريم او څلورم نمبر دي ۔
د ګروپ بي څلور واړو ټيمونو سره سيمي فائنل ته کواليفائي کولو لپاره اوس هم موقع موجود ده ۔
بلخوا د ګروپ اے نه نيوزي لينډ او بهارت سيمي فائنل ته کواليفائي کړې، ولې د ټورنامنټ کوربه ټيم او دفاعي چيمپيئن پاکستان او بنګله ديش د ميګا ايونټ سيمي فائنل زغل نه بهر شويدي ۔
ګروپ اے کښې پاکستان، بهارت، نيوزي لينډ او بنګله ديش ټيمونه، ولې ګروپ بي کښې آسټريليا، جنوبي افريقه، افغانستان او انګلينډ ټيمونه شامل دي ۔
