د انتظار ټول ساعتونه ختم شوي او پاکستان کښې نهه ويشت کاله پس عالمي کرکټ بحال شوې، د آئي سي سي چيمپيئنز ټرافي اولنې ميچ کراچۍ کښې لوبيدلې چې پکښې قامي ټيم ته په 60رنز شکست شويدې ۔
د نيوزي لينډ 321 رنز هدف په جواب کښې قامي ټيم اته څلويښتم اوور کښې 260 رنز باندې آؤټ شوې او د ميګا ايونټ اولنې ميچ ئې بيللې دې ۔
د پاکستان کپتان محمد رضوان ټاس ګټلې وو او پخپله ئې اول د فيلډنګ فيصله کړې وه، ميلمه ټيم نيوزي لينډ مقرره پنځوس اوورونو کښې پنځه وکټو په زيان درې سوي، شل رنز جوړ کړي وو او پاکستان ته ئې ميچ ګټې لپاره د درې سوه ،يويشت رنز هدف ورکړې وو ۔
، نيوزي لينډ طرف نه ټام لېتهم يو سل اتلس او ويل ينګ او شاندار يوسل اووه رنز جوړ کړېدي، پاکستان لخوا نسيم شاه او حارث رؤف دوه، دوه وکټې په خپل نوم کړې وې او ابرار احمد يو وکټ اخستې وه ۔
د مقرره هدف په تعاقب کښې د پاکستان ټول ټيم اته څلويښتم اوور کښې 260 رنز باندې آؤټ شوې ، چې پکښې خوشدل شاه ټولو نه زيات 69،بابراعظم 64، سلمان علي آغا 42، فخر زمان 24، حارث رؤف 16، شاهين شاه آفريدي 14، نسيم شاه 13، سعود شکيل 6 او کپتان محمد رضوان په 3 رنز آؤټ شوې وو ۔
نيوزي لينډ طرف نه ويل او رورکي اور مچل سينټنر درې ، درې وکټې په خپل نوم کړې وې او د ميچ ګټې کښې د خپلې برخې کردار ادا کړې وو ، شاندار 118 رنز ناټ آؤټ باندې ټام لېتهم ته د ميچ د بهترين لوبغاړي اعزاز ورکړې شويدې ۔
د پاکستان دوئم ميچ به په دري ويشتمه فرورۍ بهارت سره دبئي کښې لوبيږي، سبا به د ميګا ايونټ يو بل اهم ميچ کښې د بنګله ديش او بهارت ميچ وي، او دا ميچ به هم دبئي کښې لوبيږي، او پاکستاني وخت مطابق ماسپخين دوه بجې به شروع کيږي ۔
