ګورنر خېبرپختونخوا فيصل کريم کنډي وئيلي چې د صوبائي حکومت لخوا د زرعي ټيکس نفاذ بل يو قانوني معامله ده کوم چې به هغوي د زميندارو او کروندګرو د تحفظاتو او انديښنو سره واپس د صوبائي اسمبلۍ سپيکر اوليږي،
پيښور ګورنر هاوس کې ګورنر فيصل کريم کنډي سره د ملاکنډ ډويژن زميندارو او کروندګرو يو وفد ملاقات اوکړو او د صوبائي حکومت لخوا زرعي ټيکس په نفاذ ئې د شديد تحفظاتو او خدشاتو اظهار څرګندونه وکړه، زميندارو او کروندګرو په متفقه توګه ګورنر نه مطالبه اوکړه چې د صوبائي حکومت زراعت دشمن ټيکس بل دې منظور نکړے شي،
په دې موقعه ګورنر اووئيل چې هغوي د خيبر پښتونخوا زميندارو کروندګرو سره په هر فورم اوږه په اوږه ولاړ دے او ډير زربه په ګورنر هاوس کې يو غټ کسان کنوينشن هم جوړ کړے شي،
ګورنر اووئيل چې زرعي ټيکس نفاذ بل يو قانوني معامله ده او دا بل به د زميندارو کروندګرو تحفظاتو او خدشاتو سره د صوبائي اسمبلۍ سپيکر ته واپس اوليږلے شي،
ګورنر اووئيل چې هغوي به د زميندارو او کروندګرو تحفظاتو او انديښنو نه صوبائي حکومت او وزيراعلي هم خبر کړي
