آئي ايس پي آر له لوري جاري شوې بيان کښې وئيلي شوي چې سيکيورټي فورسز د خېبرپښتونخوا درې مختلفو سيمو کښې د ترهه ګرو خلاف آپريشنز کړيدي ۔
آئي ايس پي آر وئيلي چې اولنۍ کاروائي لکي مروت کښې شوي، چې پکښې اتلس ترهه ګر وژلي شوي او شپږ ژوبل شويدي ، دويمه کاروائي ضلع کرک کښې د خفيه اطلاع په بنياد شوې، چې پکښې اته ترهه ګر وژلي شوي دي ۔
دغه شان دريمه کاروائي سيکيورټي فورسز د ضلع خېبر باغ سيمه کښې کړيده، چې نتيجه کښې ئې څلور ترهه ګر وژلي شويدي، دغه ترهه ګرو کښې درې مطلوب ترهه ګر هم شامل دي، آئي ايس پي آر ترمخه د کاروائۍ دوراندوه ترهه ګر ژوبل شوي هم دي ۔
آئي ايس پي آر زياته کړې چې وژلي شوي ترهه ګر په سيکيورټي فورسز حملو او بے ګنا خلقو وژنه کښې ککړ وو او د هغوي د قبضې نه وسله او ګوله بارود هم برآمد شويدي ۔
