توشه خانه ټو کيس کښې د اسلام آباد هائيکورټ احکاماتو په رڼا کښې د باني پي ټي آئي عمران خان کورودانې بشریٰ بي بي د اډياله جيل نه رها کړې شويده ۔
بشریٰ بي بي دوه سوه اووه شپيته ورځو راهسې اډياله جيل کښې قيد وه، او د خوشې کيدو نه پس هغه د اډياله جيل ګيټ نمبر پنځم نه بهر وتلې ده ۔
د هائيکورټ جسټس مياګل حسن اورنګزيب تيره ورځ د بشري بي بي د ضمانت درخواست منظور کړې وو و هغه د جيل نه رها کولو حکم ئې جاري کړې وو ۔ولې د ضمانتي مچلکو جمع کولو وخت ختميدو لوجې هغه تيره ورځ خوشې کړې شوې نۀ وه ۔
د يادونې وړ ده چې بشریٰ بي بي په مجموعي ډول نهه مياشتې جيل کښې تيرې کړې،بشریٰ بي بي ته د روان کال په يو ديرشمه جنورۍ توشه خانه ټو کيس کښې د څوارلس کالو قيد سزا اورولې شوې وه ۔
د دغه سزا نه پس بشریٰ بي بي پخپله جيل ته تلې وه او ګرفتاري ئې ورکړې وه ، د دغه سزا خلاف بشریٰ بي بي ضمانت لپارهدرخواست هم جمع کړې وو ۔