بنکاک تهائي باکسنګ ايرينا کښې د پاکستان باکسر عثمان وزير مقابله بهارتي باکسر تهلک سيلوام سره وه ، وړومبې راؤنډ شروع کيدو سره سم څو سيکنډه پس د عثمان وزير زوردار سوک بهارتي باکسر برداشت نکړو او په رنګ کښې کيناستو ۔
د بهارتي باکسر لا ساه په بحال شوې نه وه چې عثمان وزير يو بل ګوزار اوکړو ، بهارتي باکسر سميدو ته جوړ نشو او ريفري په ټيکنيکل بنياد عثمان وزير ته د ګټې ورکولو اعلان اوکړو ۔
دغې ګټې سره عثمان وزير ويلټر ويټ ټائټل په خپل نوم کړېدې د پاکستاني باکسر بهارتي حريف سره مقابله صرف يو منټ او پينځه سيکنډ پورې جاري وو ۔
باکسنګ رنګ کښې د عثمان وزير دا مسلسل څوارلسمه کاميابي ده ، عثمان وزير د ګلګت بلتستان اوسيدونکې دې ۔
بهارتي باکسر ته ماتې ورکولو نه پس عثمان وزير دواړو ملکونو وزرائے اعظم ته د ښه اړيکو قائمولو اپيل کړېدې ۔
