وزيراعلیٰ سهيل آفريدي د اسمبلۍ اراکينو مراعاتو او صحافيانو باندې د اسمبلۍ کوريج بنديزونو بلونو معامله سپيکر ته ليږلې او هغۀ ته ئې د ټولوپارټو پارليماني ليډرز غونډۀ رابللو هدايت کړېدې، وزيراعلیٰ مطابق چې د بلونو په کوم نکاتو اولس ته اعتراض دې،جائزه دې واخستې شي، سهيل آفريدي وئيلي چې صرف پښتونخوا کښې خبريالان په صوبائي حکومت نيوکې کوي،اودا چې هيڅ يو صحافي باندې تشدد نۀ کيږې ۔
پيښور کښې وزيراعلیٰ سهيل آفريدي مشرۍ کښې د کابينې اجلاس شوې، چې پکښې د صوبې په مختلفو معاملو باندې غور شوې دې ۔
وزيراعلیٰ سهيل آفريدي وئيلي دي چې د بل په تراميمو باندې په تيرو دوؤ نه تر درې ورځو کښې په ميډيا تنقيد روان دې، وزيراعلي د صوبائي اسمبلۍ سپيکر ته هدايت کړی چې د ټولو پارلماني مشرانو غونډه دې راوبللې شي ۔
وزيراعلیٰ سهيل آفريدي وئيلي دي چې په کومو نکاتو د خېبرپښتونخوا اولس او د صحافيانو اعتراض دې په هغه نکاتو دې نظرثاني اوکړې شي ۔
وزيراعلی اووئيل چې باني پي ټي آئي تل د آزادي اظهار رائے ملاتړ کړې او غوښتل ئې چې خبريالان دې په آزاد ډول په حکومت تنقيد اوکړي ۔
وزيراعلیٰ زياته کړې چې د هغه په حکومت هم تنقيد کيږي او دا چې ځينې نيوز چينلز د صوبائي حکومت خلاف پروپيګنډې کوي، خو د دې باوجود حکومت د هيچا پر ضد غيرقانوني اقدام نۀ دې کړې ۔
وزيراعلیٰ سهيل آفريدي مخکښې وئيلي دي چې د نورو صوبو په شان په خېبرپښتونخوا کښې صحافيان نۀ تښتول کيږي،او نۀ پرې تشدد کيږي ۔
وزيراعلی هيله څرګند کړې چې د پارليمنټيرينز پريوليجز بل مسوده په تراميمو به نظرثاني اوکړې شي او آئنده به ټول اقدامات د عوامي رائے او عوامي مفادو مطابق کولې شي ۔
