وزيراعظم شهبازشريف وئيلي دي چې افواج پاکستان د دښمن مکروه حملې غاښ ماتې جواب ورکړې،بزدله دښمن يو ځل بيا د شپې حمله کړې،ولې پاک فوج دشپې دا تياره په چاندني رات کښې بدله کړي ۔
قومي اسمبلۍ ته خپل خطاب کښې وزيراعظم وئيلي چې په پاکستان حمله کښې د بهارت اتيا جهازونو برخه اخستې چې پکښې رافيل طيارې هم شاملې وې، ولې پاک فضائيه په نره د دښمن مقابله کړې،دښمن ته په غاښ ماتي جواب ورکولو وزيراعظم د پاک فوج سر لښکر او دپاک فضائيه سربراه ته خراج تحسين وړاندې کړې او ټول قام ته ئې هم اومبارکي ورکړې ده ۔
سپيکر اياز صادق په مشرۍ کښې د قامي اسمبلۍ اجلاس شوې ، په دې موقع وزيراعظم شهبازشريف اسمبلۍ ته خپل خطاب کښې وئيلي چې پاکستاني عوام او ايوان کښې موجود ټول سياسي جماعتونو مشرانو ته د زړه دکومې اومبارکې ورکوم ۔
وزيراعظم اووئيل چې تيره شپه دښمن په توره تيارۀ کښې د تير وخت پشان په پټه پاکستان باندې د حملې کولو ناپاکه کوشش کړې ، ولې د الله پاک کرم دې چې د پاکستان څليريشت کروړه عوام دعاګانو او زمونږ د بهادر افواج د هندوستان ناوړه حملې غاښ ماتې جواب ورکړې ،او په آسمان کښې ئې ورته ستورې ښودلي دي ۔
د هغه وينا وه چې په دې حمله کښې يو شمير پاکستانېان شهيدان شوي،چي پکښې ماشومان ، زنانه هم شامل دي ،شهيدانو مغفرت لپاره ايوان کښې دعا هم غوښتې شويده ۔
شهبازشريف زياته کړي چې پهلګام کښې يوه افسوسناکه پيښه شوې ،ولې بهارت په لس منټه کښې دننه ايف آئي ار درج کړې او وروستو بهارتي ميډيا او سياستدانانو پاکستان باندې بے بنياده الزامات لګولو باران شروع کړې وو،بهارت ټولې نړۍ ته دا باور ورکولو کوشش کولو چې ګنې دې ځمله کښې پاکستان ککړ دې، ولې مونږ نۀ صرف د دې پيښې غير جانبدار او شفاف پلټنو وړانديز کړې وو بلکه زمونږ دې حملې سره هيڅ تعلق هم نه وو، او دا چې پاکستان خلاف بهارت سره هيڅ ثبوتونه هم نۀ وو ۔
