وزيراعظم شبازشريف ډيره غازي خان کښې د کينسر هسپتال او راجن پور کښې د يونيورسټۍ جوړولو اعلان کړې او وئيلي دي چې زما د پاره پنجاب ،ګلګت بلتستان، خيبرپښتونخوا، بلوچستان او سند يو برابر دي، او د دې صوبو ترقي زما عزم دې ۔
ډيره غازي خان کښې جلسې ته وينا پر مهال وزيراعظم شهبازشريف وئيلي دي چې ډي جي خان کښې د خلقو په تود هرکلې مشکور يم، مونږ د خلقو د ترقۍ لپاره شپه ورځ کار کړېدې ، د نوازشريف وژن صرف د پاکستان ترقي ده ۔
وزيراعظم اووئيل چې نوازشريف دور کښې په پنجاب کښې ترقي شوې، اوس مريم نواز پنجاب کښې د خلقو خدمت کوي، کور کور ته دوائيانې رسوي، او هر چا ته سهوليات ورکولو لپاره کار کوي ۔
شهبازشريف اووئيل چې مونږ خپل سياست قربان کړې خو د ملک د ترقۍ لپاره مو کار کړې او رياست مو بچ کړېدې، نن مونږ دې مقام ته رسيدلې يو چې د ترقۍ او خوشحالۍ نوې دور شروع کيدونکې دې ۔
د وزيراعظم وينا وه چې مونږ پاليسي ريټ د د دوه ويشت نه دولس ته راکم کړې، ګراني مو د څلويښت فيصد نه څلور فيصد ته راکمه کړېده، که چرې بهارت مو په ترقۍ کښې شاته پرېنښودو نو زما نوم به شهبازشريف نۀ وي ۔
هغه مخکښې اووئيل چې يو کس به وئيل چې شهبازشريف بهر ملکونو ته ځي او پيسې غواړي، تپوس ترې کوم چې آيا دې به بهر ملکونو ته پيسې تقسيمولو لپاره تلو؟ دوي پاکستان بربادولو لپاره په اسلام آباد حملې کولې ، خو د دې خاتمه به کول وي ۔
