وزيراعظم شهبازشريف مشرۍ کښې کوئټه کښې د اپيکس کميټۍ اهم غونډه شوې، غونډې ته وينا کښې وزيراعظم وئيلي دي چې زمونږ مشرقي ګاونډي ملک ترهه ګرو ته وسله ورکوي او مالي مرستې ئې کوي، ترهه ګرو افغانستان کښې پناه اخستې،سياسي اوعسکري قيادت په شريکه د ترهه ګرۍ مکمل خاتمې لپاره پرعزم دي، بلوچستان مختلفو علاقو کښې څلور پنځوس ترهه ګر خپل انجام ته رسولې شوي، آخري ترهه ګر خاتمې پورې به د ترهه ګرۍ خلاف جنګ جاري ساتلې شي ۔
کوئټه کښې ايپکس کميټي اجلاس ته خطاب کښې وزيراعظم اووئيل چې تيرو څو ورځو کښې د ترهه ګرۍ سنګين پيښې رامخې ته شوي چې په نتيجه کښې ئې پوليس، پاک فوج ځوانان او عام خلق شهيدان شويدي ۔
وزيراعظم اووئيل چې مختلفو کاروائيانو کښې څلور پنځوس ترهه ګر وژلي شوي، ولې د آخري فسادي خاتمې پورې به جنګ روان دي، مسلح افواج فسرانو، ځوانانو لازول قرباني ورکړيدي، ټول قام خپل بهادر مسلح افواج سره ولاړ دي ۔
وزيراعظم اوئيل چې زمونږ مشرقي ګاونډي ملک د ترهه ګرې په کاروائيانو کښې ککړ دې، ترهه ګر تنظيمونو ته وسله فراهم کولې کيږي، او ترهه ګر د افغانستان خاوره استعمالوي ۔
وزيراعظم شهبازشريف زياته کړې چې سياسي او عسکري قيادت په شريکه ترهه ګرۍ خاتمې لپاره پرعزم دي، د ترهه ګرې فتنې مکمل خاتمې لپاره به ټول وسائل پکار راويستلې شي ۔
