بشام کښې چيني انجينيرانو باندې شوې خودکش حملې په اړه د پنجاب فرانزک سائنس ايجنسۍ رپورټ کښې مهم انکشافات شوۀ، رپورټ کښې وئيلي شوي چې د چيني انجينيرانو هاغه ګاډي نۀ بم پروف وو او نۀ پکښې دې حوالې سره نور سهولتونه وو، د تحقيقاتي کمېټۍ ترمخه د سيکورټۍ په انتظاماتو کښې هم غفلت په ډاګه شوې دې ۔
اسلام آباد: (اشفاق بنګش) بشام کښې چيني انجينيرانو د ځانمرګي بريد په اړه د پنجاب فرانزک سائنس ايجنسۍ رپورټ مخې ته راغلی دی.
رپورټ وايي چې د چيني انجينيرانو ګاډی بم پروف نۀ وو، حالانکې د سيکورټۍ د اصولو مطابق ګاډی بلټ پروف او هم بم پروف وی ۔
د تحقيقاتي کمېټۍ ترمخه د داسو هائيډرو پاور پروجيکټ د سيکورټۍ ډائريکټر او د سپېشل سيکورټي يونټ کمانډنټ د سيکورټۍ د غفلت ذمه وار ګرځول شوي دي ۔
رپورټ کښې دا هم وئيل شوي چې د قافلې د تګ راتګ اطلاع د مارچ په پينځه ويشتمه نېټه د معمولي اي ميل د لارې ورکړې شوې وه، حالانکه د مقرر شوي اصولو ترمخه دا اطلاع اووه ورځې وړاندې ورکړې شوې وه ۔
د تحقيقاتو مطابق د قافلې د تګ راتګ په اړه يواځې ډي پي او اپر کوهستان خبر کړې شوې وو، خو موټروے پوليس او نورو ضلعو ته اطلاع نه وه رسولې شوې ۔
رپورټ زياتوي چې واپډا د بين الاضلاع سفر لپاره وړاندې نه منظوري هم نۀ وه اخيستې شوې ، او د سيکورټۍ په عمل کښې نيمګړتيا هم ښکاره ده، بلخوا تحقيقاتي چارواکي وائي چې د جې آئي ټي حتمي رپورټ به د پېښې نور اړخونه هم ګوری ۔
