خېبر پښتونخوا پوليس د درې اتيا مطلوب ترهه ګرو د سرونو قيمت مقرر کړې، فهرست مطابق مجموعي انعامي رقم اتۀ ويشت کروړ، اتۀ پنځوس لکه روپۍ مقرر شويدې،سي پي او پيښور مطابق د مطلوب ترهه ګرو اطلاع، ګرفتاري يا موثر معلومات ورکولو باندې به مالي انعام ورکولې شي،او د اطلاع ورکونکو شناخت به پټ ساتلي شي ۔
پيښور: خيبر پښتونخوا پوليس د درې اتيا مطلوب ترهه ګرو د سرونو قيمت مقرر کړېدې، جاري شوې فهرست مطابق مجموعي انعامي رقم اتويشت کروړه اته پنځوس لکه روپې دې ۔
سينټرل پوليس آفس مطابق د مطلوب ترهه ګرو اطلاع، ګرفتاري يا موثر معلومات ورکولو باندې به متعلقه وګړو ته مالي انعام ورکولې شي، اطلاع ورکونکې تن شناخت به په مکمله توګه پټ ساتلي شي ۔
د مطلوب ترهه ګرو سرونو قيمت پينځه لکه روپې نه تر يو کروړ روپې پورې مقرر کړې شوېدې، انعامي فهرست کښې ډي آئي خان، کلاچي، درازنده، درابن، پروآ او نورو علاقو کښې مطلوب کسان شامل دي ۔
پوليس چارواکو مخکښې وئيلي دي چې اولس دې د ترهه ګرو او وسله والو شکمن هلو ځلو باندې نظر ساتې او اطلاع دې متعلقه پوليس سټيشنز ته ورکړي ۔
