ډي آئي خان پنياله سيمه کښې د دوه فريقينو ترمينځ ډزې شوي، چې پکښې شپږ کسان پحق رسيدلي او دوه ژوبل شويدي، سرچينو مطابق د ډزو پيښه د دوه د زړې دښمنې په بنياد مخې ته راغلې، ژوبل کسان د علاج لپاره او مړه کسان د پوسټ مارټم لپاره هسپتال ته منتقل کړې شويدي ۔
د ډېره اسماعیل خان د پنیاله پولیس سټېشن په حدودو شاه حسن خېل سیمه کښې د دوؤ وسله والو ډلو ترمينځ ډزو تبادله شوې ده ۔
د پولیس د معلوماتو له مخې، په دې نښته کښې د یوې ډلې پنځه کسان او د دوئمې ډلې يو کس پحق رسيدلی او دوه نور ژوبل شوي دي .
پولیس چارواکو مخکښې وئيلي دي چې په وژل شوي کسانو کښې نقیب، طاهر، زبیر، شیر نواز او هدایت الله او يو بل کس شامل دي،د پېښې وروسته د سیمې خلقو او مشرانو پحق رسيدلي او ژوبل کسان ځائي هسپتال ته منتقل کړي وو ۔
د انښتې سره سم پولیس سیمې ته رسېدلي وو، او ټوله سیمه یئې په ولقه کښې اخستې وه او د ملزمانو خلاف ئې لټوني عملیات پیل کړيدي ۔
