وزيراعظم شهبازشريف د چيف آف ډيفنس فورسز اهمې تعيناتۍ باندې فيلډ مارشل عاصم منير ته اومبارکي ورکړې، او د نيک خواهشاتو څرګندونه ئې هم کړېده، وزيراعظم وئيلي دي چې دې تقررۍ سره به د ملک دفاع نوره هم مضبوطه شي، دا تعيناتي د عصري او د جديد جنګي تقاضو سره هم آهنګ ده ، وزيراعظم دا هم وئيلي چې د فيلډ مارشل مشرۍ کښې پاک افواج دښمن ته تاريخي شکست ورکړيدې ،
اسلام آباد: خپل يو خصوصې پيغام کښې وزيراعظم شهبازشريف فيلډ مارشل ته چيف آف ډيفنس جوړيدو باندې اومبارکي ورکړې ده ۔
وزيراعظم وئيلي دي چې د فيلډ مارشل قيادت کښې معرکه حق دوران شاندار کاميابۍ سره ټوله دنيا کښې د پاکستان نوم روښانه شوې او د پاکستان عالمي عزت او وقار کښې نوره هم اضافه شويده ۔
وزيراعظم د پاک فضائيه سربراه ايئر چيف مارشل ظهير احمد بابر سدهو مدت کښې دوه کاله توسيع باندې هغۀ ته هم اومبارکي ورکړېده ۔
وزيراعظم وئيلي چې د ايئر چيف مارشل مشرۍ کښې پاک فضائيه معرکه حق کښې د دښمن جهازونه تباه کړې او تاريخي کاميابۍ سره ئې د ملک وقار کښې اضافه کړېده ۔
وزيراعظم دا هم وئيلي چې د پاکستان دفاع ،ترقۍ او خوشحالۍ لپاره د ملک ټولې ادارې به په شريکه کار کوي او د ملک دفاع او سلامتيا به په شريکه ناقابل تسخير جوړوي ۔
