اسلام آباد کښې د شنګهائي تعاؤن تنظيم سرمشريرې غونډې په موقع د پي ټي آئي د احتجاج اعلان باندې د سياسي جماعتونو مشرانو سخت ردعمل راغلې دې ۔
اسلام آباد کښې ميډيا سره خبرو کښې دفاع وزير خواجه آصف وئيلي دي چې د خيبر پښتونخوا صوبې ټول پاور په وفاق استعماليږي، ډاکټر اسرار احمد او حکيم سعيد وئيلي وو چې باني ټي آئي د اسلام دښمن قوتونو ايجنټ دې، باني پي ټي آئي چرې د ترهه ګرۍ غندنه نۀ دې کړې، د پاکستان د تباهۍ سامان باني پي ټي آئي فراهم کړېدې ۔
خواجه آصف مطابق دوي وائي چې باني ټي آئي نيشته نو پاکستان نيشته، پي ټي آئي سازش دوه زره څوارلسم دهرنے نه شروع شوېدې، عدالتونو باني ټي آئي ته ريليف ورکړې،عدالتونو ته په نظر نه راځې چې باني پي ټي آئي د ملک سالميت سره څه کړېدي ۔
دفاع وزير اووئيل چې په پنځلسم اکتوبر احتجاج کول د ملک په سالميت حمله ده، عدالتونو ته د دې خبرې نوټس اخستل پکار دې، په اسلام آباد يلغار اودرولو لپاره به د رياست ټول طاقت استعمالولې شي ۔
بلخوا د پنجاب اطلاعاتو وزيرې عظمیٰ بخاري وئيلي دي چې پي ټي آئي د رياست خلاف جنګ اعلان کړېدې،دوي عمل نه ثابيتيږي چې پي ټي آئي يو ترهه ګر جماعت دي، کالعدم بي ايل اے اور پي ټي آئي کښي هيڅ فرق نيشته دې ۔
د اے اين پي صدر خپل ردعمل کښې وئيلي چې شنګهائي تعاون تنظيم اجلاس په موقع احتجاج کونکې د دستور اور پاکستان دښمنان دي، داخله وزير محسن نقوي ته درخواست کوؤ چې دوي خلاف دې کارروائي اوکړې شي ۔
د پيپلز پارټې نائب صدرې شيري رحمان د پي ټي آئي احتجاج اعلان باندې په ردعمل کښې وئيلي چې تحريک انصاف جتهو او انتشار سياست سره په ملکي مفاداتو حمله کوي، غيرملکي اعلیٰ پائے وفود او نړيوالې ميډيا په موجودګې کښې اسلام آباد کښې تماشه لګول د غندنې وړ خبره ده ۔
