د خېبرپښتونخوا وزير اطلاعات شفيع جان هم يوټرن اخستې ، وائي چې د ميډيا او اولس د سخت نيوکو نه پس وزيراعلیٰ سهيل آفريدي هداياتو په رڼا کښې د مراعاتوايکټ ټول متنازعه شقونه واپس اخستو فيصله شوې ده، د ايکټ قابلِ اعتراض شقونه به د کال نورلس اتۀ اتيايم ايکټ مطابق بحالولې شي، دې نه وړاندې شفيع جان د دغه متنازعه ايکټ د منظورۍ سختې سره ترديد کړې وو او دې لړ کښې خبرونه ئې بے بنياده او پروپيګنډه ګرځولې وه ۔
پيښور: ويډيو پيغام کښې د خېبر پښتونخوا د اطلاعاتو وزير شفيع جان وئيلي دي چې د وزير اعلیٰ سهيل آفريدي په هداياتو د کابيني غونډه منعقد کړې شوې وه ۔
شفيع جان اووئيل چې د صوبائي کابينې غونډه کښې سپيکر بابر سليم سواتي هم د ويډيو لنک د لارې شرکت کړې وو۔
د اطلاتو وزير اووئيل چې د ګل په ورځ به په دې حواله غونډه کيږي چې پکښې به ټول پارليماني مشران په اعتماد کښې اخستې شي ۔
صوبائي وزير اطلاعات مطابق دې نه پس به داسې يوه فيصله هم نۀ کيږي کومه فيصله چې د اولس له اړخه د تنقيد ښکار کېږي نو ځکه د اولس ټول تحفظات به د نظر لاندې ساتلې شي ۔
