کوهاټ کښې د لاچي تحصیل په مالګین سیمه کښې تيز باران لوجې کچه کور پريوتې دې ،کور راغورځيدو پيښه کښې لس کسان مړۀ او نهه نور سخت ژوبل شويدي، ژوبل شوي کسان په فوري توګه لاچي هسپتال ته منتقل کړې شويدي ۔
د کوهاټ ضلع لاچي تحصيل د مالګین په سيمه کښی د سخت طوفاني باران دوران د يو کور چهت پرېوتې، پيښه کښې د زنانؤ او ماشومانو په ګډون لس کسان مړۀ او نهه ژوبل شويدي ۔
د سرکاري سرچينو له مخې په کور کښې يوه دستوره روانه وه چې ناڅاپه سخت طوفاني باران شروع شو، د باران لوجې د کور چهت راپريوتې او د زنانؤ او ماشومانو په ګډون نور لس کسان د ملبې لاندې شوي وو ۔
ريسکيو چارواکو وئيلي چې د پېښې رامخې کېدو وروسته د رېسکيو ون ون ټو ټو ټیم د سيمې د خلقو په مرسته سمدستي عمليات پيل کړي وو ۔
ريسکيو چارواکو مخکښې وئيلي دي چې آپریشن دوه ګهنټې جاري وو او دوه ګهنټو کښې ئې ټول کسان له ملبې راويستلي او د علاج لپاره ئې هسپتال ته منتقل کړيدي ۔
ژوبل شوي کسانو ته ابتدائي علاج لاچي تحصيل هسپتال کښې ورکړې شوې او بیا ئې د نور ښۀ علاج لپاره د کوهاټ ډي اېچ کيو هسپتال ته منتقل کړې ۔
