کوز دير کښې حيدري ټاپ باندې د پوليس او ترهه ګرو ترمينځ انښته شوې، مقامي سرچينو وئيلي چې د ترهه ګرو ډزو کښې دوه پوليس اهلکار شهيد او شپاړس ژوبل شويدي، سرچينو وئيلي چې ترهه ګرو د پوليس درې ګاډي هم سوزلي دي، وئيلي کيږې چې قانون نافذ کونکي ادارو حيدري ټاپ او لړم سيمو کښې د تره ګرو موجودګۍ په اطلاع سرچ آپريشن کولو، چې دې دوران پر ترهه ګرو ډزې کړي ۔
کوزدير: د ذرائعو وينا ترمخه د امنيتي ادارو لخوا حيدر ټاپ غريزې سيمه کښې د ترهه ګرو د موجودګۍ په اطلاع سرچ او سټرائيک آپريشن روان وو چې په دې دوران ترهه ګرو پوليس او سيکيورټي اهلکارو باندې حمله کړې او ډزې ئې پرې هم کړيدي ۔
د ترهه ګرو د حملې وروسته د دواړه فريقينو تر مينځ څو ګهنټې پورې ډزې روانې وې، د ترهه ګرو د ډزو په نتيجه کښې دوه پوليس اهلکار شهيدان شوي او شپاړس نور ژوبل شويدي ۔
شهيدان او ژوبل پوليس اهلکار تيمرګرې هسپتال ته رسولي شوي چرته چې د ژوبل اهلکارو علاج روان دې، د مقامي ذرائع ترمخه د نښتې دوران ترهه ګرو د پوليس درې موبائل ګاډي هم سوزولي دي ۔
