وفاقي حکومت لخوا د ټيکسونو د نفاذ د فيصلې خلاف ملاکنډ ډويژن او د ضم ضلعو په مختلفو علاقو کښې شټر ډاؤن هړتال،د هړتال لوجې مارکيټونه، بينکونه او کارخانې بند دي چې لوجې ئې اولس د مشکلاتو سره مخ شوېدې، د ملاکنډ ايکشن کميټۍ او تاجر تنظيمونو مشرانو خبردارې ورکړې که چرې حکومت مطالبات ونه منل نو دهرنې به ورکولي شي او مکمل پهيه جام هړتال به کولې شي ۔
مالاکنډ ډويژن مخصوص حثيت ختميدو او د ټيکس نفاذ خلاف ملاکنډ ډويژن کښي هړتال شوې چي ترمخه ئې د نورو ضلعو په رنګ ملاکنډ ضلع کښې هم لوئې واړۀ کاروباري مرکزونه او بازارونه بند کړې شوي وو ۔
بلخوا د مالاکنډ تحصيل درګۍ کښې د ټريډ يونين او ټولو سياسي جماعتونو لخوا درګۍ بازار کښې شريک احتجاجي مظاهره شوې چي پکښې ګڼ شمير خلقو ګډون کړې وو ۔
مظاهرچيانو د ټيکس نفاذ خلاف نعرې وهلي او حکومت ته ئې په ډاګه کړې چې په يو صورت هم ټيکس منلو ته تيار نۀ يو، بائد دغه فيصله فوري واپس واخستې شي ۔
هغوي زياته کړې چې ملاکنډ ډويژن د وړاندې نه قدرتي آفتونو او آپريشنونو نه متاثره سيمه ده، داسې حال کښې هيڅوک هم دا بوجھ اوچتولې نۀ شي ۔
مظاهرچيانو غوښتنه کړې بائد وفاقي حکومت د ټيکس نفاذ فيصله واپس واخلي ، کۀ دا فيصله واپس نۀ کړې شوه نو احتجاج به دوام داره ساتلي شي او د سول نافرمانۍ تحريک به هم چلولې شي ۔
