پي ډي ايم اے د خېبر پښتونخوا مختلف برخو کښې روان باران دوران اوړيدلي نقصاناتورپورټ جاري کړې،رپورټ ترمخه تازه بارانونو لوجې مختلف واقعاتو دوران پنځه ماشومانو پشمول دولس لسام پحق رسيدلي او پنځلس ژوبل شوي، بارانونو لوجې کورونو او ودانو ته نقصان هم رسيدلې دې، بلخوا د تحت بهائۍ مسکين آباد علاقه کښې د کمرې چهت پريوتو پيښه کښې درې ماشومان ژوبل شويدي .
پيښور: د پي ډي ایم اے خېبرپښتونخوا رپورټ ترمخه د پشکال اوسني بارانونو دوران مختلفو پيښو کښې پحق رسيدلي کسانو کښې شپږ نارینه، پنځه ماشومان او يوه زنانه شامل دي، ژوبل کسانو کښې اتۀ نارینه، دوه زنانه او پنځه ماشومان شامل دي ۔
پی ډی ایم اے وئيلي چې د بارانونو لوجې څوارلس کورونو ته نقصان رسېدلې دې چې پکښې ديارلس کورونه جزوي او يو کور په مکمله توګه تباه شوې دې ۔
رپورټ ترمخه دغه پېښې پېښور، خېبر، مردان، بونېر، باجوړ، چترال لوئر، ایبټ آباد، مانسهره، تورغر او کرم ضلعو کښې رامخې ته شويدي ۔
پي ډي ایم اے مطابق ریسکیو ، ضلعې انتظامیه او نورې ادارې امدادي کاروائیانو کښې مصروفه دي او متاثره علاقو ته امدادي سامان منتقل کول شروع کړې شويدي ۔
ډي جي پي ډي ایم اے ټولو ضلعي انتظامی مشرانو ته هدایت کړې چې امدادي کاروائيانې تېزې کړي او متاثره خلقو ته فوراً مرسته اورسوي ۔
بلخوا نوښار کښې تيز بارانونو نه پس سيلابونه راغلي چې لوجې ئې ګڼ شمير ګاډي اوبو کښې ګهير شوي وو، ريسکيو ون ون ټو ټو په آدم زئۍ، اکوړه خټک او د نوښار صاحبزاده ټاؤن کښې سيلابي اوبو کښې ګهير شوي اتلس کسان ريسکيو کړي او ګاډي ئې هم د اوبو نه ويستي دي ۔
د باجوړ په باټوار خوړ کښې يو ګاډې سيلابي اوبو کښې لاهو شوې وو، ريسکيو چارواکو د کاروائۍ دوران ګاډې او دې کښې ناست کسان حفاظت سره د اوبو نه راويستلې دي ۔
