د خېبرپښتونخوا اسمبلې خصوصي کمیټۍ د صوبائي اسمبلۍ غړو په مراعاتو کښې شوې اضافې باندې نظر ثاني کړې او معامله ئې نور غور لپاره د اسمبلۍ استحقاق کمیټۍ ته سپارلې ده ، استحقاق کمیټۍ ته په اووۀ ورځو کښې دننه پاس شوې بل باندې نظرثاني کولو مهلت ورکړې شوې دې، اطلاعاتو وزير شفيع جان وئيلي چې متنازعه قانون سازۍ ټول نکات به د بل نه ختمولې شي ۔
پيښور: د خېبرپښتونخوا اسمبلۍ سپیکر بابر سلیم سواتي په مشرۍ کښې شوې د اسمبلۍ خصوصی کمیټۍ په غونډه کښې اپوزشن لیډر ډاکټر عباد الله او پارلیمانی لیډرز ، وزېر قانون آفتاب عالم آفریدی او وزېر اطلاعات شفيع جان ګډون کړې دې ۔
په غونډه کښې د صوبائې اسمبلۍ غړو او د هغوې شریک حیات ته ټول عمر لپاره بلیو پاسپورټ ، د اسمبلۍ غړو ته څلور نور اضافي ممنوعه بور اسلحه لائنسنس ورکولو او د صحافیانو د سزا ګانو په حقله شوې قانون سازي واپس اخیستو اشاره ورکړې شوې ۔
وزېر اطلاعات شفیع جان وئیلي چې “دې خیبر پښتونخوا اسمبلې ممبرز پاورز ایمونټیز اینډ پرېویلیج ایکټ ” کښې چې کوم متنازعه شقونه دې او چې په کومې قانون سازۍ باندې تحفظات دې په هغوې به نظر ثاني کولي شي او هغه به د بل نه ختمولې شی ۔
د وزير اطلاعات شفیع جان وینا وه چې د اسمبلۍ استحقاق کمیټې په ایکټ کښې چې کوم ترامېم کړي وو په هغې به نظر ثانی کولې شې او معامله واپس استحقاق کمیټې ته لیږو ۔
